Əvəzedicilər Liqasının XXI turunda baş tutan qalmaqallı "Qarabağ-2" - "Sabah-2" qarşılaşması ilə bağlı yekun qərar açıqlanıb.

Far.Az xəbər verir ki, müvafiq qərarı AFFA-nın İntizam Komitəsi qəbul edib.

Məlumata görə, "Qarabağ-2"nin baş məşqçisi Maksim Medvedev oyunun 43-cü dəqiqəsində hakimin qərarlarına sərt etiraz bildirərək komandasını meydandan çıxarıb. Qısa fasilədən sonra kollektiv yenidən yaşıl meydançaya qayıdıb və matç davam etdirilib.

Yaşanan bu insident cəzasız qalmayıb və müvafiq intizam tədbiri görülüb. Komitənin qərarına əsasən, "Qarabağ-2" komandası 1000 manat məbləğində cərimələnib.

Qeyd edək ki, cəzalar yalnız Ağdam klubu ilə yekunlaşmayıb. Oyundan sonra paltardəyişmə otağına ziyan vuran "Sabah-2" barəsində də ölçü götürülüb. Arenanın əmlakına dəyən maddi zərər Masazır təmsilçisi tərəfindən tam ödəniləcək.

Oxşar xəbərlər

Arzu Əliyeva və Alena Əliyeva "Rənglərdə yaşanan 10 il" mövzusunda keçirilən sərgidə iştirak ediblər

AFFA rəhbərliyi cənub bölgəsinə səfər edib

Qış turizm mövsümü öncəsi daxili turizm imkanları nümayiş etdirilib

Mülki aviasiyada təhlükəsizliyə nəzarətlə bağlı xidmət haqqı məbləğləri təsdiqlənib

Azərbaycanda mülki aviasiya xidmətləri ilə bağlı tariflər QÜVVƏYƏ MİNDİ