Biləsuvarda təhsil müəssisəsində insident olub.

BAKU.WS Lent.az-a istinadən xəbər verir ki, hadisə Xırmandalı kəndində yerləşən orta məktəbdə baş verib.

Orada çalışan 44 yaşlı müəllim Afiq Axundov ilə Fariz (adlar və soyad şərtidir - red.) adlı valideyn arasında mübahisə olub. Qida satışı olan hissədə mübahisə zamanı Afiq müəllim Farizin diz nahiyəsinə zərbə vurub, sonra onlar əlbəyaxa olaraq yerə yıxılıblar. Bu zaman Fariz bir sıra xəsarətlər alıb və xəstəxanaya müraciət edib.

Faktla bağlı Afiq Axundov saxlanılıb və barəsində prokurorluq tərəfindən inzibati protokol tərtib olunub.

Haqqında inzibati xəta üzrə icraat aparılan Afiq Axundov bildirib ki, Fariz direktor müavininin otağına girərək yüksək tonla danışıb. Xanımla belə danışmamalı olduğunu bildirəndə isə Fariz onu söyüb. Bundan sonra müəllim əsəbiləşərək otaqdan çıxıb. Fariz onun arxasınca qida satışı hissəsinə gəlib və Afiqin orada əyləşib çay içdiyini görüb. Burada tərəflər arasında mübahisə, daha sonra dava olub.

Zərərçəkən isə bildirib ki, oğlunun digər şagirdlərlə dalaşdığını görüb və onları ayırıb. Sonra bu barədə direktor müavini ilə danışmağa gedib. Bu zaman Afiq adlı müəllimlə arasında məlum hadisə baş verib. Zərərçəkən ifadəsində Afiq müəllimin cəzalandırılmasını xahiş edib.

Məhkəmənin qərarı ilə Afiq Axundov 300 manat məbləğində cərimələnib.

Oxşar xəbərlər

Bir sıra heyvan kəsimi və ət satışı məntəqələrində nöqsanlar aşkarlanıb

İlham Əliyev Xocavəndin Xanoba kəndində fərdi evlərin və infrastrukturun bərpası sahəsində görülən işlərlə tanış olub

Ucarda bazarda ciddi nöqsanlar aşkarlandı, rəhbəri cəzalandırıldı

Amnistiya aktı məntəqə tipli cəzaçəkmə müəssisəsində icra olunub

İlham Əliyev Lənkəran Dövlət Peşə Təhsil Mərkəzinin açılışında iştirak edib