Bakının Kiçik Qala küçəsində yerləşən İçərişəhər qala divarında baş verən aşınma ilə bağlı təxirəsalınmaz tədbirlər görülür.

Far.Az Oxu.Az-a istinadən xəbər verir ki, bu barədə "İçərişəhər" Dövlət Tarix-Memarlıq Qoruğu İdarəsinin (DTMQİ) məlumatında bildirilib.

"Atelier Erich Pumer" bərpa şirkətinin meneceri Çingiz Neymanzadə qeyd edib ki, İçərişəhər Qala divarları 8 il ərzində bərpa olunub və bu prosesdə müxtəlif üsullardan, eləcə də fərqli daş materiallarından istifadə edilib.

Onun sözlərinə görə, divarın strukturunda bəzi hissələrdə xarici, daxili və orta qatlar arasında əlaqə zəifdir: "Bu qatlar arasında bağlantının olmaması gələcəkdə belə halların təkrarlanmasına səbəb ola bilər".

Ç.Neymanzadə qeyd edib ki, hazırda xüsusi proqram əsasında işlər aparılır, dövlət bu məsələyə ciddi əhəmiyyət verir və qala divarları mərhələli şəkildə bərpa olunacaq.

Oxşar xəbərlər

Ağsu dolaylarındakı son durum: Sürüşmə riskini azaltmaq üçün tədbirlər görülür

Prezident İlham Əliyev "AZWOOL" mineral daş yunu zavodunun açılışında iştirak edib

Qədim divarlar arasında bayram ruhu - İçərişəhərdə möhtəşəm Novruz şənliyi

Daş Salnamə Muzeyində "Suyun sirri" pantomim tamaşası təqdim olunub

Lənkərançayda suyun səviyyəsi artıb - qabaqlayıcı tədbirlər görülür