Dövlət Ekoloji Təhlükəsizlik Xidmətinin əməkdaşları tərəfindən son bir həftə ərzində keçirilən nəzarət tədbirləri zamanı Bakı, Sumqayıt, Abşeron, Qax və Oğuzda yaşıllıqların qanunsuz kəsilməsi faktları aşkar olunub.

BAKU.WS xəbər verir ki, bu barədə qurumdan məlumat verilib.

Bildirilib ki, araşdırmalar nəticəsində yaşıllıqlara ümumilikdə 133 140 manat məbləğində ziyan dəydiyi müəyyən edilib. Qanunsuz ağac kəsimi halları aşağıdakı ünvanlarda qeydə alınıb:

Bakı şəhəri: Nizami rayonu (Qara Qarayev prospekti, 120A), Səbail rayonu (Badamdar qəsəbəsi, 10-cu Badamdar küçəsi) və Yasamal rayonu (Müzəffər Həsənov küçəsi, 69);

Sumqayıt şəhəri: Səməd Vurğun küçəsi;

Abşeron rayonu: Masazır kəndi, Rafiq Dünyamalıyev küçəsi, 20A;

Qax rayonu: Qazmalar və Tasmalı kəndləri;

Oğuz rayonu: Filfilli və Yaqublu kəndləri.

Hər bir fakt üzrə dəymiş ziyanın məbləği cinayət tərkibi yaratdığından, toplanmış materiallar hüquqi qiymət verilməsi üçün hüquq-mühafizə orqanlarına göndərilib.

Oxşar xəbərlər

İlham Əliyev Səməd Vurğun adına Yaradıcılıq Evinin açılışında iştirak edib

Masazır əhalisinə ŞAD XƏBƏR - artıq YEKUNLAŞIR

Qurbanlıq heyvanların satışı və kəsimi xidmətləri göstəriləcək ünvanlar açıqlanıb

Kiyevə raket hücumu zamanı Azərbaycanın Ukraynadakı səfirliyinə ciddi ziyan dəyib

Leyla Əliyeva, Arzu Əliyeva və Alena Əliyeva Lənkəranda ekoloji aksiyalarda iştirak ediblər