Cari mövsümün nəticələrinə əsasən, Madridin "Real" klubunun rəhbərliyi hücumçular Kilian Mbappe və Vinisius Junioru transferə çıxarmamaq qərarına gəlib.

Far.Az Oxu.az-a istinadən xəbər verir ki, son iki il ərzində kluba rəhbərlik edən baş məşqçilər Karlo Ançelotti, Xabi Alonso və Alvaro Arbeloa komandanın potensialını tam olaraq aça bilməyiblər.

Buna əsas səbəb kimi çoxsaylı zədələr göstərilir. "Real"ın heyətində həmçinin Tibo Kurtua, Eder Militao, Orelyen Çuameni, Federiko Valverde və Arda Güler kimi adlar da yer alır ki, onların da transfer pəncərəsində gedişi planlaşdırılmır.

Qeyd edək ki, Xabi Alonso kluba 2025-ci ilin mayında rəhbərlik etməyə başlamışdı. 2026-cı ilin yanvarında isə onu Alvaro Arbeloa əvəz edib. 2025/26 mövsümündə klub Çempionlar Liqasının 1/4 final mərhələsində Münhenin "Bavariya"sına iki oyunun nəticəsinə görə (hesab 4:5) məğlub olaraq turnirdən kənarlaşdırılıb. İspaniya çempionatında sona yeddi tur qalmış "Real" lider "Barselona"dan doqquz xal geridədir.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Arda Gülerin paylaşdığı foto bütün dünyada viral oldu

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

KİV: Alvaro Arbeloa "Real Madrid"də Xabi Alonsonu əvəz edəcək əsas namizəddir