Azərbaycan ordusunun Təlim və Tədris Mərkəzindəki (TTM) mənimsəmə cinayəti ilə bağlı məhkəmə prosesi başlayıb.

BAKU.WS "Qafqazinfo"ya istinadla xəbər verir ki, Bakı Hərbi Məhkəməsində ilk iclas keçirilib.

Bu iş üzrə 7 nəfər - "Salyanski kazarma" kimi tanınan TTM-in sabiq rəisi polkovnik Sarı Xəlilov, onun köməkçisi olmuş gizir Bəxtiyar Bəhrəmzadə, TTM-in maliyyə xidmətinin rəisi olmuş polkovnik-leytenant Rəşad Məlikzadə və müxtəlif vəzifələrdə işləmiş İbadulla Əliyev, Hacıağa Həmidov, Əfqan Yunusov, Ayaz Adamov mühakimə edilir. Onlardan yalnız R.Məlikzadə və İ.Əliyev həbsdədirlər.

Hazırlıq iclasında təqsirləndirilən şəxslərin anket məlumatları dəqiqləşdirilib, ilkin dinləmələr olub.

Azərbaycan Hərbi Prokurorluğunda aparılmış ibtidai istintaqla iş üzrə dəymiş ziyanın 207 min manat olduğu müəyyən edilib.

Əsas hakim Zeynal Ağayevin qərarı ilə cinayət işi məhkəmə baxışına verilib.

Nəzərə çatdıraq ki, prosesin yekununda bu şəxslər ittiham olunduqları mütəşəkkil dəstə halında mənimsəmə maddəsi ilə təqsirli bilinsələr və ziyan ödənilməsə, keçmiş hərbçiləri 10 ilə kimi həbs cəzası gözləyir.

Baxış iclası noyabrın 13-nə təyin edilib.

Qeyd edək ki, TTM-in sabiq rəisi polkovnik Sarı Xəlilovun müdafiə nazirinin sabiq müavini general-leytenant Nizam Osmanovla yaxın dost olduqları bildirilir. Xəlilov elə Osmanov işdən çıxarılan vaxt təqaüdə göndərilmişdi.

Oxşar xəbərlər

Şəhid olmuş bir qrup hərbi qulluqçu və mülki işçi ölümündən sonra təltif olunub

Silahlı Qüvvələrin bir qrup hərbi qulluqçu təltif edilib

Mədəniyyət və Sənətkarlıq üzrə Bakı Dövlət Peşə Təhsili Mərkəzində inklüziv təlim və tədris mərkəzi yaradılıb

Prezident İlham Əliyev Əfv Sərəncamı imzalayıb

122 minlik çantası, 220 minlik libası, 500 minlik evi ilə gündəm olan MƏŞHURLAR - SİYAHI