Gürcüstanın Baş naziri İrakli Kobaxidze Acarıstan Muxtar Respublikasının hökumət sədrliyinə namizəd Zurab Pataradzenin təqdimatı zamanı onun Azərbaycanla bağlı fəaliyyətinə xüsusi toxunub.

"Report"un yerli bürosu xəbər verir ki, Baş nazir bildirib ki, Zurab Pataradzenin Azərbaycan Respublikasında səfir kimi fəaliyyəti dövründə iki ölkə arasında münasibətlər keyfiyyətcə yeni mərhələyə yüksəlib.

Onun sözlərinə görə, bu prosesdə Pataradzenin şəxsi rolu mühüm əhəmiyyət kəsb edib.

"Zurab Pataradze seçilən diplomatdır. Xüsusilə onun Azərbaycan Respublikasında səfir kimi fəaliyyəti diqqətəlayiqdir. Məhz onun səfirliyi dövründə Gürcüstan-Azərbaycan münasibətləri yeni mərhələyə keçib və bu prosesdə onun xüsusi şəxsi töhfəsi olub", - deyə İrakli Kobaxidze vurğulayıb.

Qeyd edək ki, Gürcüstan və Azərbaycan arasında strateji tərəfdaşlıq münasibətləri son illərdə enerji, nəqliyyat və ticarət sahələrində genişlənməkdə davam edir.

Oxşar xəbərlər

Heydər Əliyev Fondunun dəstəyi ilə alınan musiqi alətlərinin təqdimatı olub

Əmək və Sosial Münasibətlər Akademiyasında COP29-a həsr edilən elmi nəşrin təqdimatı olub

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Səlahiyyətli nümayəndə: Naxçıvanda sahibkarlığın inkişafında keyfiyyətcə yeni mərhələ başlayıb

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib