Mingəçevirdə güclü külək fəsadlar törədib.

Oxu.Az Baku TV-yə istinadən xəbər verir ki, güclü külək nəticəsində şəhərin Nizami küçəsində yerləşən beşmərtəbəli yaşayış binasının yaxınlığındakı irigövdəli ağacın böyük bir budağı qırılaraq binanın üzərinə düşüb.

Hadisə nəticəsində dördüncü mərtəbədə yaşayan Sevil Nağıyevaya məxsus mənzilin eyvanına ziyan dəyib. "Qəfildən bərk səs gəldi, əvvəlcə nə baş verdiyini anlamadıq. Oğlum məni səslədi və gördüm ki, ağac budağının bir hissəsi yataq otağının daxilində, digər hissəsi isə çöldə qalıb. Çox təşvişə düşdük", - Sevil Nağıyeva söyləyib.

Qeyd edək ki, küləyin yaratdığı fəsadlar müvafiq qurumlar tərəfindən aradan qaldırılıb. Bölgədə küləkli hava şəraiti isə davam edir.

Oxşar xəbərlər

Bakıda güclü külək 78 ağacı aşırdı, 40 ağacın budaqları qırıldı

Kəsilmiş ağacın əvəzinə yeni ağac əkilib və üzərinə identifikasiya etiketi vurulub

Leyla Əliyeva Mingəçevirdə ekoloji aksiyalarda iştirak edib

Kiyevə raket hücumu zamanı Azərbaycanın Ukraynadakı səfirliyinə ciddi ziyan dəyib

Leyla Əliyeva Mingəçevirdə şəhid ailəsini ziyarət edib, bir sıra sosial müəssisələrlə tanış olub