Ukrayna Prezidenti Volodimir Zelenski bildirib ki, Kiprdə Ukraynanın Avropa İttifaqına (Aİ) daxil olması üzrə danışıqlar klasterlərinin artıq 2026-cı ildə blokdan çıxarılması barədə razılıq əldə edilib.

"Far.Az" Ukrayna mediasına istinadən xəbər verir ki, bu barədə o, Kiprdə Aİ liderləri ilə qeyri-rəsmi görüşün yekunlarına əsasən məlumat yayıb.

"Tərəfdaşlarla razılığa gəldim ki, 2026-cı ildə bütün klasterləri açaq. Yeni çağırışlar olmazsa, biz bunu yaxın aylarda etmək üçün hər şeyi edəcəyik. O ki qaldı fast-trekə və ya Ukraynanın Aİ-yə tamhüquqlu üzvlüyünün digər yollarla sürətləndirilməsinə, Avropada fərqli fikirlər var. Ümumi olan bir şey var: hamı başa düşür ki, Ukrayna bu statusu mümkün qədər tez almalıdır", - Zelenski qeyd edib.

Onun sözlərinə görə, hazırda həm Ukraynanın, həm də Aİ-nin bir-birinə ehtiyacı var.

"Hazırda elə bir geosiyasi vəziyyətdəyik ki, bizim Aİ-yə ehtiyacımız var və birliyin də Ukraynaya çox ehtiyacı var. Buna görə də biz prosesi sürətləndirməliyik. Nəinki Kiyev, Avropa ölkələri də Ukraynanın daxil olmasını sürətləndirmək üçün hər şeyi etməlidirlər", - o bildirib.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Leyla Əliyeva Türkmənistanda Qayğıya ehtiyacı olan uşaqlara yardım üzrə xeyriyyə Fondunun Avaza filialının açılışında iştirak edib