Şri-Lankada yerləşən Bandaranaike Beynəlxalq Hava Limanında şənbə axşamı 22 buddist rahib 110 kiloqramdan çox narkotik maddə daşıdıqları üçün saxlanılıb.

Far.Az "Daily Mirror"a istinadən xəbər verir ki, bu, hava limanı tarixində ən böyük müsadirə hadisəsidir.

Məlumata əsasən, Taylanddan gələn rahiblərin baqajında təxminən 112 kiloqram kannabis və həşiş aşkar edilib. Saxlanılan şəxslər növbəti gün ölkənin Qərb əyalətində yerləşən Neqombo dairə məhkəməsinə çıxarılıblar.

Araşdırma zamanı məlum olub ki, əməliyyatı Camburaliya bölgəsində yerləşən məbəddən olan üç rahib koordinasiya edib. Onlar sosial şəbəkələr vasitəsilə əksəriyyəti 30 yaşdan aşağı olan 19 gənc rahibi cəlb ediblər. Gənclərə pulsuz aviabilet, yaşayış və qidalanma vəd olunub. Təşkilatçılar rahiblərə bildiriblər ki, guya məktəblilər üçün tədris materialları və şirniyyatlar daşıyacaqlar.

Polis həmçinin Qampaha dairəsində bu işin ehtimal olunan təşkilatçısını da saxlayıb. Məlumata görə, ötən ay da eyni qrup 12 rahibin iştirakı ilə oxşar narkotik daşınması əməliyyatı həyata keçirib. Yaxın zamanda daha bir belə səfərin planlaşdırıldığı bildirilir.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

İlham Əliyev Ağdamda 2-ci yaşayış kompleksinin açılışında iştirak edib

Sosial şəbəkələr vasitəsilə qanunsuz nərə balığı və kürüsü satan şəxslər ƏLƏ KEÇDİ

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2