Gürcüstan parlamenti Nazirlər Kabinetinin tərkibində yeni vəzifənin təsis edilməsini nəzərdə tutan "Hökumətin strukturu, səlahiyyətləri və fəaliyyət qaydaları haqqında" qanun layihəsini üçüncü oxunuşda təsdiqləyib.

"Far.Az" xəbər verir ki, bu barədə Gürcüstan mediası məlumat yayıb.

Dəyişikliklərin lehinə 84, əleyhinə isə 10 deputat səs verib.

Qəbul edilmiş qərara əsasən, hökumətdə hüquq-mühafizə orqanlarının fəaliyyətinin əlaqələndirilməsi üzrə dövlət naziri vəzifəsi yaradılacaq. Bu postu Mamuka Mdinaradzenin tutacağı artıq məlumdur. O, əvvəllər Gürcüstanın Dövlət Təhlükəsizliyi Xidmətinə rəhbərlik edib. Mdinaradze həmçinin hökumətdə baş nazirin müavini funksiyalarını da icra edəcək.

Parlamentin sədri Şalva Papuaşvili iclasda bildirib ki, Mdinaradze artıq sabahdan vəzifəsinin icrasına başlayacaq.

Oxşar xəbərlər

ABŞ Prezidenti Donald Trampın təşəbbüsü ilə yaradılan Sülh Şurası təsis edilib

Türkiyə mediası Prezident İlham Əliyevin Təhlükəsizlik Şurasının iclasındakı çıxışını geniş işıqlandırıb

Zəfər muzeyi sabahdan ziyarətçilər üçün açıq olacaq

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Rusiya mediası Prezident İlham Əliyevin Təhlükəsizlik Şurasının iclasındakı çıxışını işıqlandırıb