Parlament "Məhkəmə aktlarının, digər səlahiyyətli orqanların və vəzifəli şəxslərin aktlarının məcburi icrası həyata keçirilərkən məlumat mübadiləsi üzrə əməkdaşlıq haqqında Saziş"in təsdiq edib.

Far.Az Oxu.az-a istinadən xəbər verir ki, sözügedən məsələ Milli Məclisin bugünkü plenar iclasında müzakirəyə çıxarılıb.

Qeyd olunur ki, bu saziş icra sənədlərinin məcburi icra prosedurlarını həyata keçirərkən tərəflərin məcburi icra orqanlarının məlumat mübadiləsi üzrə əməkdaşlığının əsas istiqamətlərini müəyyən edəcək.

Saziş çərçivəsində məlumat mübadiləsinin məqsədi icra sənədlərinin məcburi icrasının təmin olunması, habelə onların icrası zamanı hüquqi yardım mexanizmlərindən istifadənin səmərəliliyinin artırılmasıdır.

Sazişə əsasən, icra icraatı barədə məlumata aşağıdakılar daxildir:

- sorğu edilən tərəfin məcburi icra orqanında icrada olan (və ya olmuş), sorğu edən tərəfin ərazisində icra icraatı üzrə borclu olan şəxsə münasibətdə verilmiş icra sənədi barədə;

- icra icraatının başlanma tarixi və (və ya) icra sənədinin icraya qəbul olunma tarixi, icra sənədinin adı və nömrəsi, icra sənədinin tələbinin məzmunu və onun icra mərhələsi barədə;

- tutulmuş borcun məbləği, həbs qoyulmuş əmlak, satışa təqdim olunmuş əmlak və icra sənədlərinin təkrar icrasına yol verilməməsi üçün sorğuda göstərilmiş icra sənədlərinin icrasının digər nəticələri barədə.

Məsələ müzakirələrdən sonra bir oxunuşda qəbul edilib.

Oxşar xəbərlər

İlham Əliyev Cənub Qaz Dəhlizi Məşvərət Şurası çərçivəsində nazirlərin 12-ci iclasında iştirak edib

İlham Əliyev Cənub Qaz Dəhlizi Məşvərət Şurası çərçivəsində nazirlərin 12-ci iclasında çıxış edib

“Dövlət informasiya ehtiyatlarının və sistemlərinin Nümunəvi Əsasnaməsi” təsdiq edilib

İlham Əliyev Vaşinqtonda Sülh Şurasının ilk iclasında iştirak edib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2