Yunanıstan yay mövsümündə serbiyalı turistlər üçün Avropa İttifaqına giriş sistemini asanlaşdıra bilər.

"Report"un Balkan bürosu xəbər verir ki, Yunanıstanın yay səyahət mövsümünün pik dövründə Serbiya vətəndaşları üçün Aİ-yə yeni giriş-çıxış sisteminin (EES) tətbiqini dayandırması gözlənilir.

Bu addım sərhədlərdə uzun növbələrin qarşısını almaq məqsədi daşıyır.

Serbiyanın Salonikidəki baş konsulu Yelena Vuyiç Obradoviçin sözlərinə görə, sistemin iyunun 1-dən avqustun 30-dək dayandırılması və ya yalnız gecə saatlarında tətbiq edilməsi nəzərdə tutulur.

Qeyd edək ki, EES Şengen bölgəsi üçün hazırlanmış yeni rəqəmsal sərhəd nəzarəti sistemidir və pasport möhürlənməsini biometrik məlumatların toplanması ilə əvəz edir.

Oxşar xəbərlər

Turistlərin sevimli şəhərinə çevrilmiş paytaxt Bakı

Şəhidlər xiyabanına xalq ziyarəti axşam saatlarında da davam edir

Turistlərin axın etdiyi Alban məbədi baxımsız vəziyyətdədir

Azərbaycan və Serbiya prezidentləri mətbuata bəyanatla çıxış ediblər - YENİLƏNİB-2

FHN tərəfindən "Yaz-yay fəsillərində sel təhlükəsi" mövzusunda növbəti tədbirlər keçirilib