Şirkət tətbiqə yeni qoşulan abunəçilərə 5 GB internet hədiyyə edir

"Azercell Telekom" MMC müştərilərinin rəqəmsal təcrübəsini daha da zənginləşdirmək məqsədilə "Azercell" mobil tətbiqi çərçivəsində "Dostunla paylaş" funksiyasını təqdim edir.

Yeni funksiya tətbiq istifadəçilərinə digər Azercell abunəçilərini platformaya dəvət etməklə əlavə üstünlüklər qazanmaq imkanı yaradır. Bunun üçün istifadəçi tətbiq üzərindən özünə məxsus dəvət kodunu paylaşır. Dəvət olunan abunəçi tətbiqi yükləyərək qeydiyyatdan keçir, müvafiq kodu daxil edir və 24 saat ərzində tətbiqin təklif etdiyi xidmətlərdən birini aktivləşdirir- məsələn, yeni tarifə qoşulma və ya mövcud paketin yenilənməsi. Bu şərtlər yerinə yetirildikdən sonra hər iki tərəf üçün bonuslar hesablanır.

Hər uğurlu qoşulmaya görə dəvəti göndərən istifadəçi 3 AZN bonus əldə edir, tətbiqə yeni qoşulan abunəçilərə isə 5 GB həcmində aylıq internet paketi hədiyyə edilir.

Azercell tətbiqin funksionallığını artıraraq xidmətlərindən daha sürətli və rahat yararlanmaq imkanını genişləndirməyə davam edəcək.

Oxşar xəbərlər

Maşın qiymətinə olan telefon nömrələri satışa çıxarıldı - SİYAHI

İlham Əliyev Şeyx Məhəmməd bin Zayed Al Nəhyana Qarabağ atı hədiyyə edib

Nazirlikdən "Baku Electronics" MMC-yə məxsus mağazada YOXLAMA

Yeni internet qiyməti ilə razılaşmayan vətəndaşlar 130 manat cərimə olunurlar?

Bir Bonus Toyota Corolla və yüzlərlə bonus qazandırır