Paytaxtda daha bir yol-nəqliyat hadisəsi baş verib.

Far.Az xəbər verir ki, mərkəzi küçələrdən birində avtomobil motosikletlə toqquşub.

Hadisə sürücünün yolda tələskənliyi səbəbindən yaşanıb.

Svetoforun yaşıl işıq siqnalı tam yanmadan, qırmızı işıq siqnalının yanmasına saniyələr qalmış sarı işıq siqnalında hərəkətə başlamaq qəzanın baş verməsi ilə nəticələnib.

1-2 saniyə gözləsəydi, bu qəza da baş verməyə bilərdi.

Bu barədə Nəqliyyatı İntellektual İdarəetmə Mərkəzinin (NİİM) rəsmi feysbuk səhifəsində məlumat verilib.

Paylaşılan görüntülərdə qəza anbaan əks olunub.

Qeyd edilib ki, svetoforun qırmızı rəngli işığının yanması və ya yanıb-sönməsi siqnalı hərəkəti qadağan edir. Sarı rəngli işığın yanması hərəkəti qadağan və tezliklə siqnalların dəyişəcəyi barədə xəbərdarlıq edir.

Hərəkət etmək üçün isə yaşıl rəngli işıq siqnalını gözləmək lazımdır.

Sürücülərə çağırış edilərək bildirilib ki, svetoforun siqnallarına riayət etmək "Yol hərəkəti haqqında" Qanunun 60-cı maddəsi ilə məcburidir.

Oxşar xəbərlər

İlham Əliyev Lənkəran Dövlət Peşə Təhsil Mərkəzinin açılışında iştirak edib

Prezident İlham Əliyev Milli Aviasiya Akademiyasında Beynəlxalq Təlim Mərkəzinin açılışında iştirak edib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Prezident İlham Əliyev "Abşeron" Batareya Enerji Saxlanc Mərkəzinin açılışında iştirak edib