Aİ-Ermənistan sammitində iştirak etmək üçün 3-5 may tarixlərində İrəvanda olan Fransa Prezidenti Makron, oradan Ərdoğanla görüşmək üçün bağlı olan quru sərhədi vasitəsilə Türkiyəyə keçərək siyasi baxımdan simvolik bir jest etməyi planlaşdırırdı.

BAKU.WS AZfront teleqram kanalına istinadən xəbər verir ki, səfər əvvəlcədən Türkiyə tərəfinin bəzi nümayəndələri ilə razılaşdırılıbmış.

Lakin məsələ Türkiyə dövlət başçısı səviyyəsinə çıxarıldıqda, strateji müttəfiq olan Azərbaycanla aparılan müzakirələrdən sonra o, Makrona rədd cavabı verib.

Ehtimal olunur ki, Makron uğursuz xarici siyasətinə görə aldığı beynəlxalq tənqidlər fonunda Ermənistandan Türkiyəyə səfərini öz diplomatik nüfuzunun nümayişinə çevirməyə ümid edirdi.

Fransa prezidentinin 30 ildən artıqdır bağlı olan Türkiyə-Ermənistan sərhədindən keçməsi, ikitərəfli kommunikasiyaların üçüncü tərəf tərəfindən açılmasının görünməmiş bir nümunəsi ola bilərdi.

Afrika və Yaxın Şərqi itirən, İsrail ilə münasibətləri korlayan və Ukrayna istiqamətində heç bir nəticə əldə edə bilməyən Makron, bu uğursuz cəhdi ilə öz geosiyasi ambisiyaları ilə Parisin beynəlxalq arenadakı real çəkisi arasındakı uçurumu bir daha vurğuladı.

Fransanın Le Journal du Dimanche qəzeti mayın 5-də yazırdı: "Fransız diplomatiyası Makronun dövründə sürətlə öz əhəmiyyətini itirir".

Maraqlıdır ki, bu fonda Türkiyənin Ermənistanla münasibətlərin normallaşdırılması üzrə xüsusi nümayəndəsi Sərdar Qılıcın açıqlamaları rezonans doğurub.

O bildirib ki, "İrəvanda özünü evindəki kimi hiss edir" və Ermənistan-Türkiyə normallaşması başladıqdan sonra erməni həmkarı Rubinyana təkliflər verərkən "Türkiyənin deyil, ermənilərin maraqlarını rəhbər tutub".

Azərbaycan mediası qeyd edir ki, onun ritorikası Türkiyə rəsmilərinin rəsmi xətti ilə ziddiyyət təşkil edir və milli maraqlardan geri çəkilmə kimi qəbul edilə bilər.

Oxşar xəbərlər

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Prezident İlham Əliyev Yaxın Şərq Sülh Sammitində iştirak edib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2