Holivud ulduzları Ancelina Coli və Bred Pitt arasında davam edən "Miraval" mülkü ilə bağlı məhkəmə çəkişməsində yeni qərar verilib.

BAKU.WS xarici mediaya istinadən xəbər verir ki, Los-Anceles məhkəməsi Bred Pittin Ancelina Colinin şəxsi elektron yazışmalarına çıxış əldə etmək tələbinin təmin olunmasından imtina edib. Hakim Ciny Panuko bildirib ki, həmin məlumatlar "vəkil-müştəri məxfiliyi" çərçivəsində qorunur və onların açıqlanması üçün kifayət qədər hüquqi əsas təqdim edilməyib.

Qərardan sonra Colinin vəkili Pol Mörfi Pitti keçmiş həyat yoldaşına təzyiq göstərməyə çalışmaqda ittiham edib. O bildirib ki, məhkəmənin qərarı şəxsi məlumatların qorunması baxımından mühüm addımdır.

Bred Pitt tərəfi isə mübarizənin bitmədiyini açıqlayıb. Aktyora yaxın mənbələrin sözlərinə görə, yeni sübutlar təqdim olunacağı halda qərarın yenidən nəzərdən keçirilməsi mümkündür.

Qeyd edək ki, tərəflər arasında qalmaqal 2022-ci ildə Ancelina Colinin "Miraval" mülkündəki payını satmasından sonra daha da dərinləşib. Məhkəmə prosesi milyonlarla dollarlıq mübahisə, məxfilik razılaşmaları və ailədaxili qarşıdurmalarla gündəmdə qalır.

Xarici mediada yayılan digər məlumatlara görə, Bred Pittin böyük övladları ilə münasibətləri də gərgin olaraq qalır. Bildirilir ki, aktyor bəzi övladları ilə demək olar əlaqə saxlamır. Bundan əlavə, qızı Şaylo atasının "Pitt" soyadından imtina edərək yalnız "Jolie" soyadını istifadə etmək istədiyini rəsmən bəyan edib.

Oxşar xəbərlər

Bred Pittin çəkildiyi filmin rejissoru: "Səhv etsəydi, divara çırpıla bilərdi"

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2