Yaxın zamanda Ağbənd keçid məntəqəsi layihəsinin tamamlanması nəzərdə tutulur.

"Far.Az" xəbər verir ki, bunu Dövlət Gömrük Komitəsinin sədri Şahin Bağırov jurnalistlərə açıqlamasında deyib.

Onun sözlərinə görə, gömrük orqanlarının qarşısında da işğaldan azad olunmuş ərazilərdə gömrük nəzarətinin təşkili ilə bağlı mühüm vəzifələr dayanır: "Bildiyiniz kimi, Şərqi Zəngəzur Gömrük İdarəsi yaradılıb və həmin ərazilərdə fəaliyyət göstərir. Orada əməkdaşlarımız yüklərin və ərazilərə gətirilən malların rəsmiləşdirilməsi, eləcə də gömrük nəzarətinin həyata keçirilməsi ilə məşğuldurlar".

Ş. Bağırov qeyd edib ki, bununla yanaşı, keçid məntəqələrinin yaradılması istiqamətində də işlər aparılır: "Bir müddət əvvəl Laçın buraxılış məntəqəsində gömrük nəzarət məntəqəsi yaradılıb. Hazırda isə Ağbənd keçid məntəqəsi üzərində işlər davam etdirilir. Yaxın zamanda həmin layihənin də tamamlanması nəzərdə tutulur. Digər istiqamətlər üzrə də gömrük orqanlarına aid edilmiş məsələlərlə bağlı fəaliyyətimizi davam etdiririk və bundan sonra da davam etdirəcəyik".

Oxşar xəbərlər

Horadiz–Cəbrayıl–Zəngilan–Ağbənd yolunun tikintisi 95 % icra olunub

Mehriban Əliyeva Vatikanda Müqəddəs Komodilya katakombalarının bərpası layihəsinin açılışında iştirak edib

Horadiz-Ağbənd dəmir yolu ilə Araz İqtisadi Zonası Sənaye Parkına yüklərin daşınmasına başlandı

Vətən müharibəsində Qələbənin beşinci ildönümünə həsr olunmuş Hərbi parad keçirilib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN