Avropa nümayəndələrinin iştirakı ilə Ukrayna üzrə məzmunlu sülh danışıqları yaxın həftələrdə keçirilə bilər.

"Far.Az" "The Guardian"a istinadən xəbər verir ki, bu barədə Almaniya kansleri Fridrix Merts Dublində Avropa İttifaqı liderlərinin görüşünün kuluarlarında bildirib.

"Yaxın həftələrdə ilk dəfə olaraq Avropa nümayəndələrinin iştirakı ilə Ukrayna üzrə məzmunlu sülh danışıqlarının keçiriləcəyi gözlənilir", - kansler, ABŞ-ni öz fəaliyyətini Avropa və Ukrayna ilə əlaqələndirməyə çağıraraq bildirib.

"Bəziləri bunun "Ankoricdəki ikinci hadisəyə" çevrilə biləcəyindən ehtiyat edirlər. Buna görə də mən mesajımızı Birləşmiş Ştatlara çox aydın şəkildə çatdırmaq istəyirəm: xahiş edirik, heç bir sürpriz olmasın. "Avropa Komandası" və "Ukrayna Komandası"nın tərkibində oynamağa davam edin", - kansler deyib.

Merts həmçinin qeyd edib ki, Avropanın Rusiya ilə Avropa təhlükəsizlik arxitekturasını müzakirə etməsinə ehtiyac yoxdur. Onun sözlərinə görə, bu məsələ Ukrayna üzrə istənilən sülh prosesi çərçivəsində Moskvanın yeni tələbidir.

Oxşar xəbərlər

Prezident İlham Əliyevin adından AQEM-in 7-ci Zirvə Görüşünün iştirakçılarının şərəfinə şam yeməyi verilib

Prezident İlham Əliyev və Federal Kansler Fridrix Merts mətbuata bəyanatlarla çıxış ediblər - YENİLƏNİB-3

İlham Əliyev TDT-yə üzv dövlətlərin hökumət başçılarının görüşünün iştirakçılarını qəbul edib

Prezident İlham Əliyev və Federal Kansler Fridrix Merts mətbuata bəyanatlarla çıxış ediblər - YENİLƏNİB-2

İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib