Strateji Obyektlərin Mühafizəsi Dövlət Agentliyində ümummilli lider Heydər Əliyevin anadan olmasının 103-cü ildönümünə həsr olunmuş tədbir keçirilib.

BAKU.WS xəbər verir ki, tədbir iştirakçıları əvvəlcə müasir Azərbaycan dövlətinin qurucusu Heydər Əliyevin büstü önünə əklil qoyaraq, əziz xatirəsinə ehtiramlarını nümayiş etdiriblər. Agentliyin inzibati binasında dahi rəhbərin zəngin dövlətçilik irsini, genişmiqyaslı siyasi və ictimai fəaliyyətini əks etdirən xüsusi stendlərlə tanışlıq keçirilib.

Tədbirin rəsmi hissəsinin başlanğıcında ulu öndərin və Azərbaycanın ərazi bütövlüyü uğrunda canlarından keçmiş şəhidlərimizin əziz xatirəsi birdəqiqəlik sükutla yad edilib.

Çıxış edənlər ulu öndərin dövlət müstəqilliyimizin qorunması, Azərbaycanda dövlətçilik ənənələrinin formalaşdırılması və möhkəmləndirilməsi, ictimai-siyasi sabitliyin bərqərar edilməsi, ordu quruculuğu, iqtisadi inkişafın təmin olunması və digər istiqamətlərdə misilsiz və əvəzolunmaz xidmətlər göstərdiyini vurğulayıblar.

Qeyd olunub ki, ulu öndərin rəhbərliyi ilə həyata keçirilən iqtisadi islahatlar və təməli qoyulan "Əsrin müqaviləsi" kimi qlobal layihələr Azərbaycanın bugünkü dinamik inkişafının əsasını təşkil edir. Tədbir çərçivəsində "Ümummilli Lider Heydər Əliyevin enerji strategiyası" və "Heydər Əliyev - sabitliyə gedən yol" mövzularında məruzələr dinlənilib. Sonda dahi şəxsiyyətin həyat və fəaliyyətindən bəhs edən "İz" sənədli filmi nümayiş olunub.

Qalereya

Oxşar xəbərlər

Vətən müharibəsində Qələbənin beşinci ildönümünə həsr olunmuş Hərbi parad keçirilib

Prezident İlham Əliyev Əfv Sərəncamı imzalayıb

Şəkidə "Ümummilli Lider Heydər Əliyev və Azərbaycanın mədəniyyət dəyərləri" mövzusunda tədbir keçirilib

Heydər Əliyevin anadan olmasının 103-cü ildönümünə həsr edilən tədbir keçirilib

27 Sentyabr - Anım Günü münasibətilə Azərbaycan Ordusunda silsilə tədbirlər keçirilib