Səhiyyə naziri Teymur Musayev Vatikanın "Bambino Gesu" pediatrik xəstəxanasının Prezidenti Titsiano Onestinin rəhbərlik etdiyi nümayəndə heyəti ilə səhiyyə və pediatriya sahəsində əməkdaşlığın genişləndirilməsini müzakirə edib.

Bu barədə "Far.Az"a Səhiyyə Nazirliyindən məlumat verilib.

Bildirilib ki, görüş zamanı həmçinin uşaq sağlamlığının qorunmasına dair birgə təşəbbüslər müzakirə olunub.

Nazir diqqətə çatdırıb ki, Azərbaycanın səhiyyə sistemi son illərdə genişmiqyaslı islahatlar və dövlət proqramları nəticəsində əhəmiyyətli inkişaf yolu keçib:

"Ölkədə müasir tibb infrastrukturu yaradılıb, yeni xəstəxana və ixtisaslaşmış tibbi mərkəzlər istifadəyə verilib, rəqəmsal səhiyyə həllərinin tətbiqi genişləndirilib. Xüsusilə pediatriya, talassemiya, ana və uşaq sağlamlığı sahələrində mühüm nailiyyətlər əldə olunub".

T.Musayev qeyd edib ki, "Bambino Gesu" pediatrik xəstəxanası kimi dünya səviyyəli nüfuzlu tibb müəssisəsi ilə əməkdaşlıq Azərbaycanda pediatriya xidmətlərinin inkişafına mühüm töhfə verəcək".

Öz növbəsində T.Onesti Azərbaycanda səhiyyə sahəsində əldə olunan nailiyyətləri yüksək qiymətləndirib. O, xüsusilə talassemiya və digər irsi xəstəliklərin idarə olunması sahəsində Azərbaycanın təcrübəsinin diqqətçəkən olduğunu vurğulayıb və Heydar Əliyev Fondu, Səhiyyə Nazirliyi və "Bambino Gesu" pediatrik xəstəxanası arasında imzalanmış Memorandumun gələcəkdə uğurlu birgə layihələrin həyata keçirilməsinə imkan yaradacağını qeyd edib.

Səfər çərçivəsində nümayəndə heyətinin nazirliyin K.Fərəcova adına Pediatriya Elmi-Tədqiqat İnstitutu, Milli Hematologiya və Transfuziologiya Mərkəzi, Elmi-Tədqiqat Mamalıq və Ginekologiya İnstitutu, və Azərbaycan Tibb Universitetində görüşlərin keçirməsi nəzərdə tutulur.

Oxşar xəbərlər

Mehriban Əliyeva Vatikan Apostol Kitabxanasını ziyarət edib

Birinci vitse-prezident Avropanın ən böyük pediatrik "Bambino Gesu" xəstəxanasında olub

Leyla Əliyevanın təşəbbüsü ilə Albaniyada Xəstəxana Mərkəzinin pediatrik sedasiya otağı istifadəyə verilib

Mehriban Əliyeva və ailə üzvləri Vatikan bağlarında ağacəkmə mərasimində iştirak ediblər

Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib