Rusiyanın Pyatiqorsk şəhərində yanacaqdoldurma məntəqəsində (YDM) qaz tankerinin boşaldılması zamanı baş verən partlayış nəticəsində zərər çəkənlərin sayı 6-ya çatıb.

"Report" xəbər verir ki, bu barədə Stavropol diyarının başçısı Vladimir Vladimirov "Max" sosial şəbəkəsində bildirib.

"Partlayışda yaralananların sayı altıya çatıb. Daha 4 nəfər tibb müəssisələrinə çatdırılıb", - V.Vladimirov qeyd edib.

Rusiyanın Stavropol diyarı üzrə İstintaq Komitəsi öz növbəsində bildirib ki, insident ilə bağlı cinayət işi açılıb.

Yanğının söndürülməsi üçün 45 nəfər və 15 texnika cəlb edilib.

14:54

Rusiyanın Pyatiqorsk şəhərində yanacaqdoldurma məntəqəsində (YDM) qaz tankerinin boşaldılması zamanı partlayış baş verib.

"Report" xəbər verir ki, bu barədə "İzvestiya" qəzeti şəhər rəhbəri Dmitri Voroşilova istinadən məlumat yayıb.

"Qaz tankerinin boşaldılması zamanı partlayış və ardınca yanğın baş verib. Bütün qüvvə və vasitələr vəziyyətin həlli üçün səfərbər edilib. Mən də hadisə yerindəyəm", - o qeyd edib.

Bildirilib ki, partlayış pilotsuz uçuş aparatlarının (PUA) hücumu ilə bağlı deyil.

Ehtimal olunur ki, partlayışın səbəbi təhlükəsizlik texnikasının pozulması olub.

Stavropol diyarı hökumətinin rəhbəri Vladimir Vladimirov öz növbəsində bildirib ki, hadisə nəticəsində iki nəfər xəsarət alıb.

Oxşar xəbərlər

Lökbatanda anbardakı yanğının söndürülməsinə 2 helikopter cəlb olunub - YENİLƏNİB-4

Heydər Əliyev Mərkəzində "Vəhşi təbiətin super qəhrəmanları" sərgisi açılıb

Lökbatandakı yanğına helikopterlər indiyədək 200 ton su töküb - YENİLƏNİB-4

Lökbatandakı yanğına helikopterlər indiyədək 150 ton su töküb - YENİLƏNİB-4

Lökbatanda anbardakı yanğınla bağlı əməliyyat qərargahı yaradıldı - YENİLƏNİB-4