Naxçıvan Muxtar Respublikasının Ordubad rayonunun Düylün kənd tam orta məktəbinin məzunu Əhməd Hüseynov buraxılış imtahanında maksimal nəticə - 300 bal toplasa da, adının rəsmi nəticələr siyahısında yer almadığı iddia edilib.

BAKU.WS Oxu.az-a istinadən xəbər verir ki, bu barədə sosial şəbəkədə məlumat paylaşılıb.

Məlumata görə, Naxçıvan üzrə cəmi iki nəfərin topladığı bu yüksək nəticə texniki səbəbə görə etibarlı hesab edilməyib.

Səbəb isə abituriyentin xarici dil seçimi ilə bağlı olub.

Bildirilib ki, məktəbdə əsas xarici dil kimi rus dili tədris olunsa da, Əhməd Hüseynov imtahanda ingilis dilini seçib. Abituriyent bunu rus dilində özünü zəif hiss etməsi ilə izah edib.

Məsələ ilə bağlı Dövlət İmtahan Mərkəzindən verilən məlumata görə, Əhməd Hüseynov Azərbaycan dili, riyaziyyat və rus dili fənləri üzrə imtahan verib:

"Buraxılış imtahanı fənləri dedikdə tədris dili, riyaziyyat və məktəbdə tədris olunun əsas xarici dil nəzərdə tutulur. Əhməd Hüseynov buraxılış imtahanında Azərbaycan dili, riyaziyyat və rus dili fənləri üzrə imtahan verib. O, Azərbaycan dili və riyaziyyat fənlərinin hər biri üzrə 100 bal toplasa da, əsas xarici dil kimi imtahan verdiyi rus dilindən aşağı bal toplayıb.

Əhməd Hüseynov ali təhsil müəssisələrinin müsabiqəsində iştirak etmək üçün buraxılış imtahanındakı xarici dili deyil, öz istədiyi xarici dili seçmək imkanından yararlanaraq ingilis dilini seçib və əlavə imtahan verməklə 100 bal toplayıb. Bu bal ali təhsil müəssisələrinə qəbul zamanı nəzərə alınacaq".

Oxşar xəbərlər

"Azərbaycan dilini öyrənirik" kitabının təqdimat mərasimi olub

Məleykə Abbaszadə: "İmtahanlara müdaxilə cəhdi əvvəlki illərdə də olub"

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Həyatda yaxşı şeyləri niyə görmürük? - Tanınmış simaların FİKİRLƏRİ

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2