Yeni Şəhər Gündəliyi qəbul edilməsindən on il sonra müasir urbanistik inkişafın ən kəskin çağırışlarının həlli üçün hələ də əsas təməl olaraq qalır.

"Report" xəbər verir ki, bu barədə UN-Habitat-ın Qlobal həllər şöbəsinin direktoru Raf Tuets Bakıda keçirilən Ümumdünya Şəhərsalma Forumunun (WUF13) ilk gününün yekunlarına dair təşkilatın icraçı direktoru Anaklaudia Rossbaxın adından yekun bəyanatla çıxış edərkən bildirib.

Onun sözlərinə görə, forum çərçivəsindəki müzakirələr, Yeni Şəhər Gündəliyinin qəbul edilməsindən artıq on il keçməsinə baxmayaraq, onun aktuallığını bir daha təsdiq edib.

"O, qəbul edilməsindən on il sonra zəmanəmizin ən kəskin problemlərindən bəzilərinin – bərabərsizlik, əlçatan mənzil qıtlığı, qeyri-rəsmi tikinti, iqlim riskləri, infrastruktur boşluqları, əhalinin məcburi yerdəyişməsi və daha inklüziv, məhsuldar və dayanıqlı şəhər inkişafı zərurətinin həlli üçün hələ də ümumi təməl kimi xidmət edir", - Tuets vurğulayıb.

O qeyd edib ki, forumun ilk günündə aparılan diskussiyalar da qarşıya qoyulan vəzifələrin müzakirəsindən praktiki icrasına keçidin vacibliyini göstərib.

"Eyni zamanda, bugünkü müzakirələr aydın şəkildə göstərdi: növbəti onillik icraya yönəlməlidir", - UN-Habitat nümayəndəsi bildirib.

Oxşar xəbərlər

Prezident İlham Əliyev Bakı Olimpiya Stadionunun ərazisində WUF13 ilə bağlı görülən işlərlə tanış olub

Vətən müharibəsində Qələbənin beşinci ildönümünə həsr olunmuş Hərbi parad keçirilib

İlham Əliyevin XIII Qlobal Bakı Forumunun açılış mərasimindəki çıxışının TAM MƏTNİ

Şuşa Dövlət Musiqili Dram Teatrında inkluziv bir qizin mono tamaşası

FHN WUF13-ə hazırlıq çərçivəsində otellərdə təlimlər keçirib