Qax rayonunun əksər kəndlərində təsərrüfatın böyük bir hissəsini fındıqçılıq təşkil edir ki, bu sahə də kənd əhalisinin əsas məşğuliyyət sahəsi və gəlir mənbəyi hesab olunur.

"Report"un Şimal-qərb bürosunun məlumatına görə, rayonda bir ay davam edən fındıq yığımı artıq başa çatıb.

Güclü yağışlar və dolu səbəbindən fındıq bağlarında məhsuldarlıq xeyli aşağı düşüb. Orta hesabla 200 fındıq kolu olan kəndli ötən il həmin sahədən 2 ton məhsul götürürdüsə, bu il rəqəm 800 kq-1 ton arası olub.

Qax Dövlət Aqrar İnkişaf Mərkəzindən "Report"un yerli bürosuna bildirilib ki, təsərrüfat sahələrinin 10 186 hektarını fındıq bağları təşkil edir. Məhsuldarlıq hər fındıq kolu üçün 8,5 kq təşkil edib.

Qeyd edək ki, bağlardan yığılan fındıq kənd ərazisində səyyar şəkildə fəaliyyət göstərən fındıq təmizləyən maşınlar vasitəsi ilə təmizlənir. Bundan başqa, rayon ərazisində fındıq zavodları da fəaliyyət göstərir. Hazırda fındığın 1 kiloqramını qiyməti 4-4,50 AZN təşkil edir.

Oxşar xəbərlər

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

VII çağırış Milli Məclisin ilk iclası keçirilib, Prezident İlham Əliyev toplantıda iştirak edib və nitq söyləyib - YENİLƏNİB-3

İlham Əliyev V “ADEX-2024” və “Securex Caspian” sərgiləri ilə tanış olub - YENİLƏNİB-2

Prezident İlham Əliyev Cəbrayıl şəhərində inşa olunan yaşayış kompleksinin açılışında iştirak edib - YENİLƏNİB-2

Azərbaycanda ilk dəfə “Moruq Festivalı” keçirilir