Türkiyə və Azərbaycan güclərini daha da artırmağı hədəfləyib.

BAKU.WS report-a istinadən xəbər verir ki, bunu Türkiyənin Ətraf mühit, şəhərsalma və iqlim dəyişikliyi naziri Murat Kurum Bakıda keçirilən Ümumdünya Şəhərsalma Forumunun 13-cü sessiyası (WUF13) çərçivəsində jurnalistlərə açıqlamasında deyib.

Nazir WUF13-ün yüksək səviyyədə təşkili münasibəti ilə Azərbaycanı təbrik edib:

"Burada müxtəlif ölkələrin pavilyonlarını gəzdim və məmnun qaldım. Birləşmiş Ərəb Əmirlikləri ilə şəhərsalma sahəsində bir sıra danışıqlar apardıq və görüşlər faydalı keçdi. WUF13-də atılacaq addımları da COP31 çərçivəsində bir daha müzakirə edəcəyik".

M.Kurum həmçinin diqqətə çatdırıb ki, iki ölkə arasındakı münasibətlər sürətlə inkişaf etməkdə və möhkəmlənməkdədir:

"Türkiyə və Azərbaycan liderlərinin siyasi baxımdan aldığı qərarlar hər iki ölkəni inkişafa aparır. Güclərimizi daha da artırmağı hədəfləmişik".

Oxşar xəbərlər

Bakıda Ümumdünya Şəhərsalma Forumunun 13-cü Sessiyasının açılış mərasimi keçirilir Prezident İlham Əliyev çıxış edib

Bakıda WUF13-ün açılış mərasimi keçirilir, Prezident İlham Əliyev tədbirdə çıxış edib

Prezident İlham Əliyev Bakı Olimpiya Stadionunun ərazisində WUF13 ilə bağlı görülən işlərlə tanış olub

İlham Əliyevin XIII Qlobal Bakı Forumunun açılış mərasimindəki çıxışının TAM MƏTNİ

Media nümayəndələri üçün WUF13 haqqında məlumatlandırma sessiyası keçirilib