"13-cü Ümumdünya Şəhərsalma Forumuna burada, Bakıda ev sahibliyi etdiyinə görə Azərbaycan hökumətinə və xalqına göstərdikləri fövqəladə səxavət və liderliyə görə dərin minnətdarlığımı bildirmək istəyirəm".

Far.Az xəbər verir ki, bu sözləri WUF13-ün rəsmi bağlanış mərasimində çıxış edən Birləşmiş Millətlər Təşkilatının Baş katibinin müavini Amina Mohammed deyib.

Amina Mohammed çıxışında onu da bildirib ki, Azərbaycan şəhərsalmanı qlobal səviyyədə önə çıxararaq həm tarixi irsi qoruyur, həm də müasir çağırışlara cavab verən yanaşmalar tətbiq edir.

Onun sözlərinə görə, ölkədə yeni icmaların inkişafı sülhün möhkəmləndirilməsinə və sosial-iqtisadi tərəqqiyə töhfə verir.

BMT rəsmisi həmçinin Bakını dünyanın ən qədim və fasiləsiz məskunlaşmış şəhərlərindən biri kimi qeyd edərək, burada aparılan şəhər yenilənməsi proseslərini yüksək qiymətləndirib.

O əlavə edib ki, iqlim dəyişikliyi və digər qlobal təzyiqlər fonunda keçirilən müzakirələr şəhərlərin gələcəyi üçün xüsusi əhəmiyyət daşıyır.

Sonda Amina Mohammed forumun təşkilatçılarına və bütün tərəfdaşlara göstərdikləri peşəkarlıq və sədaqətə görə təşəkkür edib.

Oxşar xəbərlər

Bakıda WUF13-ün Sessiyasının açılış mərasimi keçirilib, Prezident İlham Əliyev çıxış edib

Leyla Əliyeva və Alyona Əliyeva mükafatlandırma mərasimində iştirak ediblər

Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib

Leyla Əliyeva və Arzu Əliyeva Qaxda Axar-Baxar Milli Parkının açılış mərasimində iştirak ediblər

Bakıda WUF13-ün açılış mərasimi keçirilir, Prezident İlham Əliyev tədbirdə çıxış edib