Pakistan, Albaniya, Litva Xarici İşlər Nazirlikləri (XİN), həmçinin Demokratiya və İqtisadi İnkişaf Naminə Təşkilat - GUAM-ın Katibliyi Azərbaycan hökumətini və xalqını Müstəqillik Günü münasibətilə təbrik edib.

"Report" xəbər verir ki, bu barədə xarici siyasət idarələrinin "X" sosial şəbəkəsində dərc olunan bəyanatlarında deyilir.

"Pakistan Azərbaycan hökumətinə və xalqına Müstəqillik Günü münasibətilə ən səmimi təbriklərini çatdırır", - Pakistan XİN-in bəyanatında bildirilib.

Oxşar müraciətlə Albaniyanın Avropa və Xarici İşlər Nazirliyi çıxış edib.

"Azərbaycanın Müstəqillik Günü münasibətilə Albaniya Azərbaycan xalqına və hökumətinə təbriklərini və ən xoş arzularını bildirir. Biz ölkələrimiz arasındakı dostluğu yüksək qiymətləndiririk və əməkdaşlığımızın və tərəfdaşlığımızın daha da möhkəmlənəcəyinə ümid edirik", - bəyanatda qeyd olunub.

Litva XİN Azərbaycan xalqına səmimi təbriklərini ünvanlayaraq, tərəfdaşlığa görə minnətdarlığını ifadə edib və ölkəyə sülh, sabitlik və iqtisadi firavanlıq arzulayıb.

GUAM Katibliyi də Azərbaycanın Müstəqillik Günü münasibətilə sosial şəbəkələrdə paylaşım edib.

"GUAM Katibliyi Azərbaycan Respublikasını Müstəqillik Günü münasibətilə təbrik edir", - təşkilatın "X"dəki mesajında qeyd olunub.

Oxşar xəbərlər

Bakıda WUF13-ün Sessiyasının açılış mərasimi keçirilib, Prezident İlham Əliyev çıxış edib

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

WUF13-ün təşkili ilə əlaqədar yaradılmış Təşkilat Komitəsinin növbəti iclası keçirilib

Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2