Azərbaycanda erkən nikahların sayı əvvəlki illərlə müqayisədə 5-6 dəfə azalıb.

"Far.Az" xəbər verir ki, bunu Ailə, Qadın və Uşaq Problemləri üzrə Dövlət Komitəsinin Ailə məsələləri şöbəsinin müdir müavini Tamilla Əliyeva Dost tv-nin efirində deyib.

Onun sözlərinə görə, bu statistika evliliyə müraciətlə bağlı qeydiyyat şöbələrindən və 18 yaşadək analar tərəfindən doğulan uşaqların sayına əsaslanır:

"Dövlət Statistika Komitəsinin məlumatına görə, məsələn, 2022-ci ildə 18 yaşadək analar tərəfindən 2011 uşaq, 2023-cü ildə 1742, 2024-cü ildə isə 1279-a qədər azalıb. Əvvəlki illərdə biz təxminən 4 000 rəqəmini də görə bilirdik. Düzdür, yenə bu hallara rast gəlinir. Tam qarşısının alınması istiqamətində əlavə tədbirlər görülür".

Komitə rəsmisi qeyd edib ki, artıq cəmiyyətdə erkən nikahlara qarşı mənfi münasibət var və belə hallarda aidiyyəti qurumlara müraciətlər daxil olur:

"Hər şeyi dövlətin üzərində qoymaq lazım deyil. Hər bir vətəndaşın bu prosesdə iştirakı çox vacibdir".

Oxşar xəbərlər

Leyla Əliyeva, Arzu Əliyeva və Alyona Əliyeva "Təmiz Dünya" sığınacağındakı uşaqların bayram sevincinə şərik olublar

Leyla Əliyeva və Alyona Əliyeva mükafatlandırma mərasimində iştirak ediblər

Leyla Əliyeva, Arzu Əliyeva və Alena Əliyeva Lənkəranda ekoloji aksiyalarda iştirak ediblər

Leyla Əliyeva və Alyona Əliyeva Qubada internat tipli ümumtəhsil məktəbini və STEAM mərkəzini ziyarət ediblər

Leyla Əliyeva və Arzu Əliyeva Şəkidə tarixi-memarlıq abidələrinin bərpadan sonra açılışında iştirak ediblər