"Çelsi" klubunun sabiq hücumçusu Bobbi Temblinq 84 yaşında vəfat edib.

"Report" xarici mediaya istinadən xəbər verir ki, bu barədə onun sabiq klubu "Krossheyven"in mətbuat xidməti məlumat yayıb.

O, 40 ildən çox "Çelsi"nin ən məhsuldar futbolçusu olub. B.Temblinq karyerası ərzində "Kristal Pelas", "Kork Seltik", "Uoterford", "Şemrok Rovers" və "Kork Alberts" klublarının da formasını geyinib.

Sabiq hücumçu yaşıl meydanlarla vidalaşdıqdan sonra "Kork Seltik", "Kork Siti" və "Krossheyven" komandalarında məşqçi kimi fəaliyyət göstərib.

Qeyd edək ki, Bobbi Temblinq 1959-1970-ci illərdə "Çelsi"nin heyətində 370 oyunda meydana çıxıb və 202 qol vurub. Onun rekordunu 2013-cü ildə 211 qolla yarımmüdafiəçi Frenk Lempard yeniləyib.

Bununla yanaşı, veteran hücumçu 1966-cı ildə "Aston Villa" ilə matçda 5 qol vuraraq London klubunun tarixində bir oyunda ən çox fərqlənən futbolçu ünvanını da əlində saxlayır.

Oxşar xəbərlər

SOCAR-ın təşkilatçılığı, "Neftçi" və "Galatasaray" klublarının tərəfdaşlığı ilə şəhid və qazi övladları üçün "Futbol günü" adlı tədbir keçirilib

1959-cu ildən bu günə: İT sahəsinin inkişafını əks etdirən sərgi - FOTOREPORTAJ

"McDonald"s Azərbaycan" və DSMF şəhid və veteran övladları üçün Novruz bayramı tədbiri təşkil edib

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3

"Kristal Pelas" UEFA Konfrans Liqasının qalibi olub