Qazaxıstan Prezidenti Kasım-Jomart Tokayev və Sülh Şurasının baş müşaviri Arye Laytstoun Astanada keçirilən görüş zamanı TRIPP (Tramp Marşrutu) təşəbbüsünü müzakirə ediblər.

"Far.Az" xəbər verir ki, bu barədə Akorda məlumat yayıb.

"Həmsöhbətlər nəqliyyat-logistika sahəsində əməkdaşlığın perspektivlərini, o cümlədən TRIPP təşəbbüsünü və Orta Dəhliz çərçivəsində qarşılıqlı fəaliyyəti müzakirə ediblər. Qazaxıstanın regionlararası qarşılıqlı əlaqələrin gücləndirilməsində və beynəlxalq nəqliyyat marşrutlarının şaxələndirilməsində maraqlı olduğu vurğulanıb", - məlumatda bildirilib.

Arye Laytstoun Qazaxıstanın Sülh Şurasının işində və digər beynəlxalq təşəbbüslərdə fəal iştirakını, o cümlədən İbrahim sazişlərinə qoşulmaq qərarını yüksək qiymətləndirib.

Görüşün yekunlarına əsasən, geniş spektrli məsələlər üzrə əməkdaşlığın daha da genişləndirilməsinə hazırlıq təsdiqlənib.

Oxşar xəbərlər

Leyla Əliyeva Luvr Əbu-Dabi muzeyini və İbrahim Ailə Evini ziyarət edib

FHN WUF13-ə hazırlıq çərçivəsində otellərdə təlimlər keçirib

Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib

İlham Əliyev Vaşinqtonda Sülh Şurasının ilk iclasında iştirak edib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN