Türkmənistanda Azərbaycan Mədəniyyəti Günləri təntənəli konsert proqramı ilə başa çatıb.

"Report"un Türkmənistana ezam olunan əməkdaşı xəbər verir ki, konsert proqramını hər iki ölkənin mədəniyyət nazirliklərinin rəsmiləri, Azərbaycanın Türkmənistandakı Səfirliyinin rəhbər şəxsləri, eləcə də hər iki ölkənin mədəni-ictimai xadimləri, media mənsubları izləyiblər.

Proqram çərçivəsində iki ölkənin xalq və əməkdar artistlərinin mədəniyyət günləri üçün hazırlanmış duetləri səsləndirilib.

Ardınca Dövlət Rəqs Ansamblı "Mənim Azərbaycanım" adlı kompozisiyanı təqdim edib.

Ansamblın "Qağayı", "Çayçı", "Ağ çiçəyim", "Toy", "Şalı", "Qaytağı" və digər Azərbaycan rəqs sənətinin incilərindən ibarət proqramı qonaqlar tərəfindən böyük rəğbətlə qarşılanıb.

Bununla da, Türkmənistanın paytaxt Aşqabad və Arkadağ şəhərlərində iyunun 5-dən etibarən başlayan Azərbaycan Mədəniyyəti Günləri başa çatıb.

Oxşar xəbərlər

Azərbaycanın və BƏƏ prezidentləri Əbu-Dabidə "Sülh Qalxanı – 2026" birgə əməliyyat-taktiki təlimini izləyiblər

Leyla Əliyeva və Alyona Əliyeva Müstəqillik Gününə həsr olunmuş konserti izləyiblər

Azərbaycan və BƏƏ prezidentləri Cıdır düzündə Qarabağ atlarının şousunu izləyiblər

Leyla Əliyeva Türkmənistanda beynəlxalq konfransda iştirak edib

Türkmənistanda Azərbaycanın Zəfər Günü qeyd edilib