Bir neçə gün əvvəl Araz çayının İmişli rayonundan keçən hissəsində batan 2009-cu il təvəllüdlü Mirişli Turan Mirağa oğlunun meyiti tapılıb.

Bu barədə "Far.Az"a Fövqəladə Hallar Nazirliyindən (FHN) bildirilib.

Məlumata görə, rayonun Rəsullu kəndindən keçən hissəsində batan T.Mirişlinin meyiti FHN-in dalğıcları tərəfindən batdığı yerdən 500 metr məsafədə sudan çıxarılaraq aidiyyəti üzrə təhvil verilib.

Xatırladaq ki, hadisə iyunun 7-də axşam saatlarında baş verib. T.Mirişli çaya düşərək batıb. Onun axtarışları üçün hadisə yerinə Fövqəladə Hallar Nazirliyi Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc xilas ediciləri və katerlər cəlb olunmuşdu. Axtarışların asanlaşdırılması məqsədilə Bəhrəmtəpə hidroqovşağından Araza buraxılan suyun həcmi azaldılmaqla çayda suyun səviyyəsi endirilmişdi.

Oxşar xəbərlər

Şəhidlər xiyabanına xalq ziyarəti axşam saatlarında da davam edir

Arazda batan məktəblinin axtarışları üçün çayda suyun səviyyəsi endirilib

FHN: Arazda batdığı ehtimal olunan yeniyetmənin axtarışları davam edir

Lənkərançayda suyun səviyyəsi artıb - qabaqlayıcı tədbirlər görülür

Bakıda obyektdə güclü PARTLAYIŞ - 7 nəfər xilas edilib, yaralılar var