Azərbaycan Voleybol Federasiyasının (AVF) prezidenti Şahin Bağırov Daşkəsən rayonunda yeniyetmə voleybolçularla görüşüb.

"Report" xəbər verir ki, federasiya rəhbəri Gəncə RVK-nın Daşkəsən rayonundakı voleybol bölməsinin yeniyetmə idmançıları və məşqçilərilə görüşüb.

Daşkəsən rayon 2 nömrəli tam orta məktəbin idman zalında baş tutan görüşdə Daşkəsən Rayon İcra Hakimiyyətinin başçısı Orxan Abbasov, Gəncə RVK-nın rəhbəri Şamil Həsənli və regional voleybol klubun direktoru Sərxan Məmmədov da iştirak ediblər.

Görüşdə qonaqlara Gəncə RVK-nın Daşkəsən bölməsində görülən işlər, idmançı və məşqçilər üçün yaradılan şərait barədə ətraflı məlumat verilib.

Çıxış edən Ş.Bağırov AVF-nin ölkəmizdə voleybolun kütləviliyinin artırılması və inkişafı istiqamətində gördüyü işlərdən danışıb, gənc idmançılara tövsiyələrini verib və onlara uğurlar arzulayıb.

Sonda Şahin Bağırov və Orxan Abbasova Gəncə RVK-nın simvolik forması təqdim edilib.

Oxşar xəbərlər

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Payız-qış mövsümü ilə bağlı qrip əleyhinə vaksinasiyaya başlanılıb

Şahin Bağırov Qobustanda yeniyetmə voleybolçularla görüşüb

Fərid Qayıbov: Avqust ayı Azərbaycan idman tarixinə yeni qələbələr, tarixi uğurlar və rekordlarla yazıldı

Bakıda 6 məktəb əsaslı təmirlə bağlı köçürülüb