Əslində bugünkü qələbə məni xoşbəxt etmədi.

"Report"un məlumatına görə, bunu "Naxçıvan" basketbol klubunun baş məşqçisi Murat Dikmen NTD-yə qarşı Azərbaycan Basketbol Liqasının II turunun oyunundan sonra klubun mətbuat xidmətinə açıqlamasında deyib.

Türkiyəli mütəxəssis qalib gəldikləri görüş barədə danışıb:

"Əslində bugünkü qalibiyyət məni xoşbəxt etmədi. Yaxşı oynamadıq. Bu durumda qələbə qazanmaq bizim üçün çox önəmli idi. İlk olaraq NTD komandasını təbrik edirəm, yaxşı mübarizə apardılar. Həqiqətən də çox pis basketbol oynadıq. Bizə yaraşanı edə bilmədik. İstər hücumda, istərsə də müdafiədə çox səhvlərə yol verdik. Kollektivimiz yenidir və hələ yolun əvvəlindəyik. Önəmli olan səhvlərimizdən dərs çıxarmaqdır. İkinci qalibiyyətimizdir. Oyunçularımı mübarizələrindən ötrü təbrik edirəm. Bundan sonra adi səhvlər etmədən qalib gəlməliyik. Daha yaxşı oynamalıyıq. Basketbolçularıma çox güvənirəm".

Qeyd edək ki, "Naxçıvan" - NTD qarşılaşması birincilərin 72:71 hesablı qələbəsi ilə yekunlaşıb.

Oxşar xəbərlər

NTD klubunun baş məşqçisi: "Qalib gəlsəydik, hər şeydən razı qalardım"

NTD-nin baş məşqçisi: "Bu mövsüm sürətli, aqressiv basketbol oynayacağıq"

UEFA Avropa Liqası: "Qarabağ" "Tottenhem"ə məğlub olub - YENİLƏNİB-8

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

"Naxçıvan"ın baş məşqçisi: "Neftçi" ilə oyuna qədər tam hazır olmaq istəyirik"