Son günlər Ukraynada yenidən alovlanan müharibə səbəbindən ölkədə yaşayan azərbaycanlılar da zərər görür. Həmyerlilərimiz Ukraynanın müxtəlif vilayətlərində və xüsusilə paytaxt Kiyevdə davam edən hava zərbələrinin təsirini yaşayırlar.

Son hücumlar zamanı Kiyevdə yaşayan azərbaycanlılar baş verən partlayışların yaratdığı vəziyyəti Baku TV-yə danışıblar.

"Bu mənim maşınımdır, deşik-deşik olub. Gecə saat təxminən üç idi. Birdən güclü bir partlayış səsi eşitdim. Birinci zərbə yaxınlıqdakı binaya düşdü, sonra digər tərəflərə də zərbələr endirildi. Şiddətli partlayış oldu. Daha sonra maşını götürüb təhlükəsiz yerə aparmaq istədim, çünki ərazidə atışma başlamışdı. Başımın üzərində, təxminən 15-20 metr hündürlükdə yenidən güclü partlayış səsi eşitdim. Özümü itirmişdim. Prospekt boyu benzin axırdı, bütün maşınlardan yanacaq sızırdı. Binalardan biri yanırdı. Hamı qorxu içində idi, işıqlar söndürülmüşdü, hər tərəfdə xaos vardı", - Kiyev sakini İlyas Talıbov deyib.

Digər sakin Elşad Şahmərdanov isə bildirib:

"Mən uzun müddətdir bu ərazidə yaşayıram. Burada müharibə başlayan gündən etibarən mütəmadi olaraq raket və uzunmənzilli dron hücumları olur. Raketlərdən biri evin içinə düşdü və içəridə partladı. Həmin hadisə zamanı bir jurnalist qadın həyatını itirdi. Biz xoşbəxtlikdən o gün evdə deyildik".

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Yasamalda bina təhlükə altındadır: Sakinlər ölüm qorxusu ilə yaşayırlar