Səncar Nosirov: "Azərbaycanla lisenziyalaşdırma və prudensial tənzimləmə üzrə yeni razılaşmalar gözlənilir" - EKSKLÜZİV
Far.Az xəbər saytı

Səncar Nosirov: "Azərbaycanla lisenziyalaşdırma və prudensial tənzimləmə üzrə yeni razılaşmalar gözlənilir" - EKSKLÜZİV


Azərbaycan və Özbəkistanın mərkəzi bankları İslam maliyyəsinin tənzimlənməsi sahəsində əməkdaşlığın inkişafını müzakirə edir.

Bu barədə "Report"un Daşkəndə ezam olunmuş əməkdaşına Özbəkistan Mərkəzi Bankının sədr müavini Səncar Nosirov Daşkənd İnvestisiya Forumunun kuluarlarında bildirib.

"Azərbaycan tərəfi İslam maliyyəsinin tənzimlənməsinin öyrənilməsinə fəal maraq göstərir və bu istiqamətdə işlər davam etdirilir", - o qeyd edib.

S.Nosirovun sözlərinə görə, Özbəkistan və Azərbaycan maliyyə sektorunun tənzimlənməsinin bir sıra istiqamətləri üzrə qarşılıqlı fəaliyyət göstərir: "Biz Azərbaycanın tənzimləyici orqanı (Mərkəzi Bank - red.) ilə bir neçə məsələ üzrə - təkcə makroprudensial siyasət deyil, həm də prudensial tənzimləmə, lisenziyalaşdırma və digər istiqamətlərdə əməkdaşlıq edirik".

O əlavə edib ki, müzakirələr iki ölkənin aidiyyəti komandalarının iştirakı ilə müxtəlif platformalarda, o cümlədən Özbəkistan bazarına daxil olan azərbaycanlı investorların lisenziyalaşdırılması məsələləri üzrə aparılır: "Ola bilsin ki, siz bu forumda (Daşkənd İnvestisiya Forumunda - red.) lisenziyalaşdırma və prudensial tənzimləmə üzrə yeni razılaşmalar barədə məlumat əldə edə biləcəksiniz".

S.Nosirov bildirib ki, Özbəkistan Mərkəzi Bankı inflyasiyanın hədəflənməsi modelinin tətbiq olunduğunu elan edib: "Özbəkistan gələn ilin sonuna qədər hədəflənən inflyasiya səviyyəsinə - 5 %-ə çatmağı qarşısına məqsəd qoyub".

Oxşar xəbərlər

Vətən müharibəsində Qələbənin beşinci ildönümünə həsr olunmuş Hərbi parad keçirilib
İlham Əliyevin XIII Qlobal Bakı Forumunun açılış mərasimindəki çıxışının TAM MƏTNİ
Bakıda Ümumdünya Şəhərsalma Forumunun 13-cü Sessiyasının açılış mərasimi keçirilir Prezident İlham Əliyev çıxış edib
SOCAR-ın prezidenti "Özbəkistanın nefti və qazı" 28-ci beynəlxalq sərgi-konfransında iştirak edib
Prezident İlham Əliyev Bakının İslam Səfərli küçəsinin yenidənqurmadan sonra açılışında iştirak edib

Ən son xəbərləri bizim

"Facebook" səhifəmizdə izləyin

Digər xəbərlər