Türkiyə millisinin baş məşqçisi Vinçentso Montella futbolçularından başlarını dik tutmalarını istəyib.

"Far.Az" qardaş ölkə mediasına istinadən xəbər verir ki, bunu italiyalı mütəxəssis DÇ-2026-nın qrup mərhələsində Paraqvaya qarşı keçirilən oyundan sonra deyib.

O, məğlubiyyətin acı olduğunu söyləyib:

"Çox üzgünəm. Türk millətinin böyük gözləntiləri var idi. Bizim də gözləntilərimiz çox böyük idi. Türkiyə Futbol Federasiyası adından da çox üzgünəm, onların necə çalışdıqlarını bilirəm. Futbolçuların necə əziyyət çəkdiklərini də bilirəm. 35 ildir futbolun içindəyəm. Belə hal adətən 50 ildə bir dəfə baş verər, amma bizim başımıza cəmi iki oyunda gəldi. İki matçda qapıya 65 zərbə vurduq. Topa sahibolma faizindən isə heç danışmıram. Bəxt bu dəfə bizim tərəfimizdə deyildi. Futbolçularımıza dedim ki, başlarını dik tutsunlar. Bəzən deyirlər ki, qismətdən o yana yol yoxdur".

O, sözlərinə belə davam edib:

"Mən həmişə futbolçularımızın nə qədər çalışqan və istəkli olduqlarına baxıram. Meydandakı ruhlarına və mübarizə əzmlərinə diqqət yetirirəm. Hamısında inanılmaz bir istək və həvəs var idi. Hər iki oyunda sonadək mübarizə apardılar. Mən onlara hər zaman dəstək olacağam. Heç kim məsuliyyətdən yayınmadı, hər kəs əlindən gələni etdi və mübarizə apardı. Təəssüf ki, bu dəfə alınmadı".

Qeyd edək ki, Türkiyə seçməsi D qrupundakı ikinci matçında Paraqvaya 0:1 hesabı ilə uduzub. Bu nəticədən sonra "ay-ulduzlular"ın növbəti mərhələyə yüksəlməyəcəyi dəqiqləşib.

Oxşar xəbərlər

Leyla Əliyeva "Mənzərəyə açılan ev" mövzusunda qrup sərgisində iştirak edib

"FIFA Series – 2026": Azərbaycan millisinin Sent Lüsiya yığması ilə oyundan əvvəl açıq məşqi təşkil olunub

Azərbaycanda bir qrup hərbçiyə MƏNZİLLƏR VERİLDİ

Baku TV-nin "Rəqəmsal Media Məktəbi"ndə doqquzuncu qrup məzunlarına sertifikatlar təqdim olunub

İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib