Azərbaycanın Yunanıstandakı səfiri Arif Məmmədov Balkan və Qara dəniz Forumunun 4-cü Səfirlər görüşündə COP29 sədrliyinin prioritetləri və təşəbbüsləri barədə danışıb.

“Far.Az” xəbər verir ki, bu barədə Azərbaycanın Balkan ölkəsindəki diplomatik missiyasının mətbuat xidməti bildirib.

“Səfir Arif Məmmədov Balkan və Qara dəniz Forumunun 4-cü Səfirlər görüşünə ev sahibliyi edib. Görüş zamanı səfir Məmmədov həmkarlarını Azərbaycanın “yaşıl gündəliyi”, COP29 Sədrliyi prioritetləri və təşəbbüsləri barədə məlumatlandırıb və onları bu məsələyə dəstək verməyə təşviq edib”, – səfirliyin sosial şəbəkə hesabında diqqətə çatdırılıb.

Xatırladaq ki, iyunda azərbaycanlı diplomat Yunanıstanın Patras Universitetinin rektoru Kristos Bourasla görüşdə əməkdaşlıq imkanlarını nəzərdən keçirmişdi.

İlin əvvəlində səfir etimadnaməsini Yunanıstan Prezidenti Katerina Sakellaropulouya təqdim etmişdi.

Oxşar xəbərlər

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

İqtisadi inkişafda davamlı artan rəqabətli iqtisadiyyatın rolu - ANALİZ

XİN başçısı BMT BA-nın 79-cu sessiyasında çıxış edib - YENİLƏNİB

BMT-də COP29 çərçivəsində qlobal təşəbbüslərlə bağlı yüksək səviyyəli tədbir keçirilib

BMT-də COP29 sədrliyinin ev sahibliyi ilə “İqlim, Sülh və İnsan mobilliyi” dəyirmi masası keçirilib