İngiltərənin “Liverpul” futbol klubunun ötən transfer pəncərəsində İtaliyanın “Yuventus”undan satın aldığı Federiko Kyeza müvəqqəti olaraq vətəninə qayıda bilər.

“Report” xəbər verir ki, bu barədə Britaniyanın “Mirror” qəzeti İtaliya mətbuatına istinadən bildirib.

Nəşrin yazdığına görə, cari mövsüm sadəcə 78 dəqiqə top qovmuş Kyeza artıq qış transfer pəncərəsində icarə əsasında “qırmızılar”ın düşərgəsini tərk edə bilər.

“Mirror” qeyd edib ki, İtaliyanın “İnter”, “Milan” və “Roma”sı 26 yaşlı hücumçunun xidmətində maraqlıdır.

Xatırladaq ki, avqustda “Liverpul” Federiko Kyezanı heyətinə qatmışdı. Müqavilənin təfərrüatları barədə ənənəvi olaraq məlumat verilməmişdi. 2022-ci ildən “Yuventus”da çıxış etmiş futbolçu bu müddət ərzində 51 matçda 7 dəfə fərqlənə bilmişdi. “Liverpul”da isə çıxdığı dəqiqələrdə bir məhsuldar ötürmə ilə yadda qalıb.

Oxşar xəbərlər

SWG SPA təşkilatı Azərbaycan Milli Məclisinə keçirilən seçkilərin "exit-poll" nəticələrini açıqlayıb

"Oracle Advisory Group" parlament seçkilərində "exit poll"un nəticələrini açıqlayıb

Sosioloji Tədqiqatlar Mərkəzi növbədənkənar parlament seçkilərində “exit-poll”un nəticələrini açıqlayıb

Bu günün valyuta məzənnələri

Azərbaycan Mərkəzi Bankının valyuta məzənnələri (21.08.2024)