Azərbaycan İdman Akademiyasının (ASA) rəhbərlik etdiyi nümayəndə heyəti Macarıstana səfəri çərçivəsində bu ölkənin İdman Elmləri Universitetində olub.

ASA-dan "Report"a verilən məlumata görə, nümayəndə heyəti universitetin rektoru Tamaş Sterbenz və ali təhsil müəssisəsinin digər rəhbər şəxsləri ilə görüşüb.

Görüşdə bu ilin yanvarın 23-də imzalanmış niyyət məktubuna uyğun olaraq iki ali təhsil müəssisəsi arasında əməkdaşlığın genişləndirilməsi, professor-müəllim heyəti və tələbə mübadiləsi məsələləri müzakirə olunub.

Tərəflər idman elmləri sahəsində birgə elmi-tədqiqat layihələrinin həyata keçirilməsi, akademik proqramların qarşılıqlı tanınması, eləcə də təcrübə mübadiləsinin təşkili istiqamətində əməkdaşlığın inkişaf perspektivləri barədə fikir mübadiləsi aparıblar.

Görüş çərşivəsində qabaqcıl təcrübənin öyrənilməsi və əməkdaşlığın daha da genişləndirilməsi istiqamətində müzakirələr aparılıb.

Oxşar xəbərlər

NDU-nun rektoru Elbrus İsayev media nümayəndələri üçün brifinq keçirib

Sumqayıt Sənaye Parkında karton və qutu taralarının istehsalı müəssisəsinin açılışı olub

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Televiziyada nəyə baxırıq? - Proqramların janr bölgüsü açıqlanıb

İlham Əliyev İmişlidə "Promalt" MMC-nin arpa emalı müəssisəsinin açılışını edib