İslam İnqilabı Keşikçiləri Korpusu (SEPAH) Amerikanın son zərbələrinə cavab olaraq ABŞ-ın Küveyt və Bəhreyndəki hərbi obyektlərinə raket və pilotsuz uçuş aparatları (PUA) ilə zərbələr endirdiyini bəyan edib.

"Report" xəbər verir ki, SEPAH-ın bu barədə bəyanatını IRIB yayıb.

SEPAH-ın yaydığı bəyanatda qeyd olunub ki, bazar günü gecə saatlarında korpusun hərbi dəniz və hərbi hava qüvvələri ballistik raketlər və dronlardan istifadə edərək ABŞ hərbi infrastrukturunun səkkiz obyektinə - Küveytdəki "Əli əs-Salim" bazasındakı və Bəhreynin Salman limanındakı 5-ci Donanmasının bazasına hücum edib.

Bəyanatda həmçinin qısa müddət əvvəl ABŞ-nin İslam Respublikasının beş sahil postuna zərbələr endirdiyi xatırladılıb.

"İslamabad memorandumuna əsasən, Hörmüz boğazında gediş-gəlişə nəzarət qaydaları İslam Respublikasına məxsusdur və bundan sonra qayda pozan gəmilərə qarşı əvvəlkindən daha sərt tədbirlər görüləcək",- bəyanatda qeyd olunub.

SEPAH az əhəmiyyətli hədəflərə qarşı belə ehtimal olunan təcavüzə sarsıdıcı cavab veriləcəyi barədə xəbərdarlıq edib. Atəşkəsin pozulmasının İslamabad memorandumunun birinci bəndinə zidd olduğu vurğulanan bəyanatda bu halların danışıqlar prosesinin dayandırılmasına səbəb olacağı bildirilib.

Daha əvvəl ABŞ Mərkəzi Komandanlığı (CENTCOM) İrandakı hərbi hədəflərə "əlavə zərbələr" endirildiyini açıqlayıb.

Oxşar xəbərlər

Gəncənin ballistik raket atəşinə tutulması əmrinin Ermənistan rəhbərliyi tərəfindən növbəti dəfə təsdiqlənib

Şəhidlər xiyabanına xalq ziyarəti axşam saatlarında da davam edir

Tuapsedə PUA hücumundan sonra "qara yağış" canlılara ZƏRƏR VURUB

Prezident İlham Əliyev Əfv Sərəncamı imzalayıb

Sumqayıt şəhərini Saray körpüsü ilə birləşdirən yolla bağlı son vəziyyət