Azərbaycanda dövlət satınalmaları sahəsində qanunvericilik son 20 il ərzində təxminən 100 dəfə dəyişdirilib.

"Report" xəbər verir ki, bunu Hesablama Palatasının Dövlət gəlirlərinin və iqtisadi sahələrin auditi şöbəsinin müdiri Azim Abasov Bakıda keçirilən Ali Audit Orqanlarının Beynəlxalq Təşkilatının (INTOSAI) Dövlət Satınalmalarının Auditi üzrə İşçi Qrupunun illik toplantısında bildirib.

Onun sözlərinə görə, dövlət satınalmaları haqqında ilk qanun 2001-ci ildə qəbul olunaraq həmin il yanvarın 29-dan qüvvəyə minib: "Sonrakı 20 il ərzində qanuna təxminən 100 dəyişiklik edilib. Daha sonra 2023-cü ildə yeni Dövlət satınalmaları haqqında qanun qəbul olunub və bu qanun 2024-cü il yanvarın 1-dən qüvvəyə minib".

O bildirib ki, dövlət satınalmalarının auditi zamanı elektron satınalma portalı ilə yanaşı, kütləvi informasiya vasitələri, banklar və digər qurumlardan əldə olunan məlumatlar da audit sübutlarının mənbəyi kimi istifadə edilir: "Satınalma auditində əsas məlumat mənbələrindən biri elektron satınalma portalıdır: "Bununla yanaşı, audit olunan təşkilatlardan alınan daxili sənədlər, o cümlədən komissiya qərarları, ehtimal olunan qiymət arayışları, bağlanmış müqavilələr və təhvil-təslim aktları da araşdırılır. Həmçinin nəzarət və hüquq-mühafizə orqanlarından, banklardan, statistika qurumlarından, eləcə də kütləvi informasiya vasitələrindən əldə olunan məlumatlar audit sübutlarının formalaşdırılmasında istifadə olunur".

A. Abasov əlavə edib ki, audit zamanı düzgün və dolğun məlumatların toplanması dövlət satınalmalarının qanunvericiliyə uyğunluğunun və səmərəliliyinin obyektiv qiymətləndirilməsi üçün həlledici əhəmiyyət daşıyır.

Oxşar xəbərlər

İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib

“Dövlət informasiya ehtiyatlarının və sistemlərinin Nümunəvi Əsasnaməsi” təsdiq edilib

Azərbaycanda auditin yeni missiyası: Etimad yaradan strateji tərəfdaşlıq modeli - ARAŞDIRMA

Milli Məclisin parlamentlərarası əlaqələr üzrə işçi qruplarına rəhbərlər seçilib - SİYAHI

Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib