Yuxu pozğunluğu ilə insult riski arasında əlaqə olduğu müəyyənləşib. Alimlərin apardığı araşdırmaya görə, yuxusuzluqdan əziyyət çəkən insanlarda insult ehtimalı daha yüksəkdir.

BAKU.WS xəbər verir ki, Bolonya Neyroloji Elmlər İnstitutunun mütəxəssisləri müxtəlif tədqiqatların nəticələrini təhlil ediblər. İnsultla bağlı analizə 1,3 milyondan çox insanın məlumatları daxil edilib.

Nəticələrə əsasən, yuxusuzluğu olan şəxslərdə insult riski belə problemi olmayanlarla müqayisədə 26 faiz yüksək olub. Həmçinin yuxu pozğunluğu olan şəxslərin müxtəlif səbəblərlə xəstəxanaya yerləşdirilmə ehtimalının 28 faiz artdığı müəyyən edilib.

Tədqiqatçılar yuxusuzluğun demensiya, xüsusilə Alzheimer xəstəliyi, depressiya və digər sağlamlıq problemləri ilə də əlaqəli ola biləcəyini bildiriblər.

Mütəxəssislər isə vurğulayıblar ki, araşdırma yalnız statistik əlaqəni göstərir və yuxusuzluğun birbaşa insult və ya digər xəstəliklərə səbəb olduğunu sübut etmir. Müxtəlif tədqiqatlarda yuxusuzluğun müəyyənləşdirilməsi üçün fərqli meyarlardan istifadə olunması da nəticələrin qiymətləndirilməsində nəzərə alınmalıdır.

Oxşar xəbərlər

Gələcəyə ümidlə baxan uşaqların sağlamlıq arzusu burada gerçəkləşə bilər

Ağsu dolaylarındakı son durum: Sürüşmə riskini azaltmaq üçün tədbirlər görülür

Həyatda yaxşı şeyləri niyə görmürük? - Tanınmış simaların FİKİRLƏRİ

Azıx mağarasının bir neçə girişdən ibarət olduğu müəyyənləşib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN