Bakıda ata qızına xəsarət yetirib.

Far.Az oxu.az-a istinadən xəbər verir ki, hadisə paytaxtın Suraxanı rayonu ərazisində baş verib.

Bakı şəhər sakini Vahid Əliyev 2013-cü ildə ailə həyatı qurub. Onun bir qız övladı doğulub. Uşaqda Daun sindromu təsbit edilib.

Bir müddət əvvəl Vahid Əliyev evdə həyat yoldaşı ilə mübahisə edib. O, qadını mətbəx bıçağı ilə hədələyərək onu öldürəcəyini deyib. Həmin vaxt evdə olan qız valideynlərini sakitləşdirmək üçün onlara tərəf gəlib. V.Əliyev mobil telefonu götürərək qızının baş nahiyəsinə zərbə endirib. Qızı ağır xəsarət alıb.

Hadisə yerinə təcili tibbi yardım briqadası gəlib, uşağa yardım göstərilib.

Polis əməkdaşlarının keçirdikləri tədbirlərlə V.Əliyev saxlanılıb. Faktla bağlı cinayət işi başlanılıb və V.Əliyev barəsində məhkəmə qərarı ilə həbs qətimkan tədbiri seçilib.

Cinayət işinin istintaqı yekunlaşaraq iş Suraxanı Rayon Məhkəməsinə göndərilib. Məhkəmə istintaqı dövründə V.Əliyev həyat yoldaşı və qızı ilə barışıb. Məhkəmənin qərarı ilə V.Əliyevə 10 ay azadlığın məhdudlaşdırılması cəzası verilib və o, məhkəmə zalından azadlığa buraxılıb.

Oxşar xəbərlər

Bakıda daun sindromlu gəncləri işlə təmin edəcək restoran

Lənkəranda qandonduran HADİSƏ – Ana isti qaşıqla 3 yaşlı qızının qolunu DAĞLADI

Bu ilin ilk rübündə Qəbələdə 1381 uşağa reabilitasiya xidmətləri göstərilib

Şou-biznesin xoşbəxt ailə həyatı olan məşhurları - SİYAHI

Prezident İlham Əliyev Əfv Sərəncamı imzalayıb