Bakıda aliment borcunu ödəməyən taksi sürücüsü həbs edilib.

Far.Az oxu.az-a istinadən xəbər verir ki, hadisə Binəqədi rayonunda baş verib.

1986-cı il təvəllüdlü Cəmil Qurbanov (ad və soyad şərtidir) 2009-cu ildə ailə həyatı qurub və həmin nikahdan 2011-ci il təvəllüdlü övladı dünyaya gəlib. O, şəhərdə taksi sürücüsü kimi fəaliyyət göstərməyə başlayıb.

2017-ci ildə boşanan C.Qurbanova Binəqədi Rayon Məhkəməsi tərəfindən uşağın yetkinlik yaşına çatması üçün aylıq 193 manat aliment təyin olunsa da, o, həmin məbləği ödəməyib. Nəticədə C.Qurbanovun 10 016 manat borcu yaranıb.

Pulu ala bilməyən keçmiş həyat yoldaşı bu barədə Binəqədi Rayon Məhkəməsinə müraciət edib. Binəqədi Rayon Məhkəməsində ifadə verən C.Qurbanov alimenti ödəmək imkanında olmadığını bildirib.

Məhkəmənin hökmü ilə C.Qurbanov 9 ay azadlıqdan məhrum edilib və məhkəmə zalında həbs olunub.

Oxşar xəbərlər

Azərbaycanda aliment ödəməyən 2344 nəfər həbs edilib - Cəza çıxış yoludurmu?

Anar Ələkbərov "44" bədii filminin çəkilişlərinin başa çatması barədə paylaşım edib

Şou-biznesin xoşbəxt ailə həyatı olan məşhurları - SİYAHI

Doğulanda həkimin əlindən düşən, övladını itirən, depressiyadan çıxa bilməyən, 35 yaşında vəfat edən Ece İrtemin HEKAYƏSİ

Prezident İlham Əliyev Dağıstanın tanınmış ictimai-siyasi xadimi Qurban Qurbanova "Dostluq" ordenini təqdim edib