İsrail Knesseti (parlament) Birləşmiş Millətlər Təşkilatının Fələstinli Qaçqınlara Yardım Agentliyinin (UNRWA) İsrail torpaqlarında fəaliyyətini qadağan edən qanunu təsdiqləyib.

“Report” xəbər verir ki, bu barədə Kan radiosu məlumat yayıb.

Qanun layihəsi ikinci və üçüncü, yekun oxunuşlarda qəbul edilib. Belə ki, 92 deputat qanunun lehinə, 10 deputat əleyhinə səs verib.

Qanun agentliyin İsrail ərazisində birbaşa və ya dolayısı ilə ofislərinin olmasını, xidmət göstərməsini və ya hər hansı fəaliyyətini qadağan edir.

UNRWA-nın baş komissarı Filip Lazzarini bildirib ki, Knessetin qərarı İsrailin üzərinə götürdüyü beynəlxalq öhdəliklərə ziddir:

“Bu qərar BMT Nizamnaməsinə ziddir və İsrail dövlətinin beynəlxalq hüquq üzrə öhdəliklərini pozur. Bu qanun layihələri fələstinlilərin, xüsusən də insanların bir ildən artıqdır ki, mütləq cəhənnəmdə yaşadığı Qəzzada əzablarını daha da artıracaq”.

Oxşar xəbərlər

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

VII çağırış Milli Məclisin ilk iclası keçirilib, Prezident İlham Əliyev toplantıda iştirak edib və nitq söyləyib - YENİLƏNİB-3

XİN başçısı BMT BA-nın 79-cu sessiyasında çıxış edib - YENİLƏNİB

Müstəmləkəçi Norveç - “Etalon” dövlət yerli xalqların hüquqlarını necə pozur - ŞƏRH

Daşkənddə Azərbaycan və Özbəkistan prezidentlərinin işgüzar dairələrin nümayəndələri ilə görüşü keçirilib - YENİLƏNİB - 2