Azərbaycan turizm sektorunda artım təkcə otellərin sayında deyil, həm də onların yerləşdirmə imkanlarında özünü göstərir.

BAKU.WS-in əldə etdiyi məlumata görə, ölkə üzrə fəaliyyət göstərən otel və istirahət mərkəzlərində ümumilikdə 67 376 nəfərlik yataq yeri mövcuddur.

Bu rəqəm 2019-cu ildəki göstəricidən (49 980 yer) xeyli çoxdur və son illərdə aparılan infrastruktur layihələrinin, regionlarda turizmin stimullaşdırılmasının və investisiyaların nəticəsidir.

Ən çox çarpayı yeri Bakı şəhərində – 28 998 nəfərlik – qeydə alınıb. Paytaxtı Quba-Xaçmaz (12 033), Şəki-Zaqatala (5 360), Lənkəran-Astara (4 876) və Gəncə-Daşkəsən (4 140) bölgələri izləyir. Qərb bölgələri və Qarabağda da otel tutumunun artması diqqət çəkir – xüsusilə Qarabağda 2019-cu ildən bəri yataq sayı 288-dən 3 296-ya yüksəlib.

Qeyd edək ki, bu dinamika Azərbaycanın turizm bazarının dayanıqlı böyüməsini və bölgələr arasında balanslı inkişafı göstərir. Turistlər üçün isə bu, daha çox seçim, daha çox rahatlıq və yeni istiqamətlər deməkdir.

2025-ci ildə ən çox yataq yerinə sahib olan Top-10 bölgə:

1. Bakı şəhəri – 28 998 yer

2. Quba-Xaçmaz – 12 033 yer

3. Şəki-Zaqatala – 5 360 yer

4. Lənkəran-Astara – 4 876 yer

5. Gəncə-Daşkəsən – 4 140 yer

6. Qarabağ – 3 296 yer

7. Dağlıq Şirvan – 2 414 yer

8. Mərkəzi Aran – 1 496 yer

9. Abşeron-Xızı – 1 249 yer

10. Qazax-Tovuz – 1 113 yer

Orxan Hüseyn

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

29 Sentyabr - Turizm İşçiləri Günüdür

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Azərbaycanda ən çox otel bu regionlarda yerləşir - TOP 10