İngiltərə millisi Norveçi əlavə vaxtda 2:1 hesabı ilə məğlub edərək 2026-cı il dünya çempionatının yarımfinalına yüksəlib. Lakin qarşılaşmanın ən çox müzakirə olunan məqamı ingilislərin ilk qolu olub.

BAKU.WS xəbər verir ki, matçın ilk hissəsinə əlavə olunmuş dəqiqələrdə Norveç millisinin qapıçısı Eryan Nuland qapı zərbəsini yerinə yetirərkən topun stadionun üzərində yerləşən televiziya kabelinə dəydiyi iddia olunub. Bundan sonra top Elliot Andersonun qarşısına düşüb, hücum davam edib və Cud Bellingem hesabı açıb.

Norveç futbolçuları topun kənar obyektə toxunduğunu əsas gətirərək oyunun dayandırılmasını tələb etsələr də, baş hakim Kleman Türpen qolu qüvvədə saxlayıb.

FIFA isə hadisədən sonra açıqlama yayaraq "Connected Ball" texnologiyasının qeydə aldığı məlumatlarda topun uçuşu zamanı onun hərəkətində və ya "nəbz"ində kabelə toxunmanı göstərən heç bir dəyişiklik olmadığını bildirib. Qurumun açıqlamasına görə, topun kabelə dəydiyini təsdiqləyən texniki sübut mövcud deyil.

Bununla yanaşı, FIFA-nın sabiq hakimi Mark Klattenburq "Fox Sports"a açıqlamasında fərqli mövqe sərgiləyib. O bildirib ki, top həqiqətən kənar obyektə toxunubsa, hakim oyunu dayandırmalı və mübahisəli top təyin etməli idi. Onun fikrincə, belə epizodlarda VAR sistemi də qərarın düzgün verilməsinə kömək edə bilərdi.

Oxşar xəbərlər

Monreal Protokolu ilə müəyyən olunmuş tənzimlənən ozondağıdıcı maddələrin siyahısı yenilənib

Palçıq Vulkanları Turizm Kompleksi – Azərbaycanın təbiət möcüzələrinə açılan yeni qapı

"Oracle Advisory Group" parlament seçkilərində "exit poll"un nəticələrini açıqlayıb

SWG SPA təşkilatı Azərbaycan Milli Məclisinə keçirilən seçkilərin "exit-poll" nəticələrini açıqlayıb

Sosioloji Tədqiqatlar Mərkəzi növbədənkənar parlament seçkilərində “exit-poll”un nəticələrini açıqlayıb