SOCAR-ın Rumıniyadakı törəmə şirkəti ölkədəki fəaliyyətini genişləndirərək iki yeni yanacaqdoldurma məntəqəsini istifadəyə verib.

BAKU.WS AZƏRTAC-a istinadən xəbər verir ki, bununla da şirkətin Rumıniyadakı yanacaqdoldurma şəbəkəsinin sayı 94-ə çatıb.

Hər iki obyekt müasir xidmət infrastrukturu ilə təchiz olunub və avtomobil sürücülərinə yanacaqla yanaşı, müxtəlif əlavə xidmətlər də təqdim edir.

Yeni yanacaqdoldurma məntəqələrinin açılması SOCAR-ın Rumıniyada fəaliyyətinin genişləndirilməsi strategiyasının növbəti mərhələsidir. Şirkət ölkənin müxtəlif bölgələrində şəbəkəsini genişləndirərək istehlakçılar üçün xidmətlərin əlçatanlığını artırmağı hədəfləyir.

SOCAR Rumıniya bazarında fəaliyyətə başladığı vaxtdan etibarən 900-dən artıq yeni iş yeri yaradıb. Şirkətin yanacaqdoldurma şəbəkəsi hazırda Rumıniyanın 31 inzibati ərazi vahidini əhatə edir.

SOCAR Rumıniyada fəaliyyətini ardıcıl şəkildə genişləndirərək ölkənin aparıcı yanacaq pərakəndə satış şəbəkələrindən birinə çevrilib.

Oxşar xəbərlər

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3

Nazirlik bu yanacaqdoldurma məntəqəsinin fəaliyyətini dayandırdı

Xocalı şəhərində "Qarabağ Tekstil Evi" MMC istifadəyə verilib

Heydər Əliyev Fondu Lənkəran uşaq evini əsaslı yenidənqurmadan sonra istifadəyə verib

Şahin Bağırov: "Azərbaycanın gömrük sistemi elə bir səviyyəyə çatıb ki, təcrübəsini digər dövlətlərə təqdim edir"